تغريد !!

من هي تغريد ؟
تغريد طفلة كفيفة عمرها 14 سنة ... تتميز بموهبة الكتابة ..
التقيت تغريد لأول مرة منذ ما يقارب 10 أيام تحدثنا قليلاً لحوالي 20 دقيقة كانت كافية لاعرف كثير عنها ... وبقي شيئ واحد لم اعرفة .. فأنا لم اقرأ شيئ من كتاباتها .. فطلبت منها ان تكتب شي لأقرأه في المرة القادمة .. (طبعاً تغريد تملي على أختها كي تكتب لها...)
اما اللقاء الثاني فكان منذ يومين .. كتبت لي موضوعين صغيرين وجميلين ..
...
لماذا وضعت هذا الموضوع في انجازات المكفوفين ؟؟...
حتى الآن لا يمكننا ان نسمي هذا انجازاً ولكن مع بعض التعب سنستطيع ان نطلق عليه انجازاً ..
ربما يكون لدينا شكسبير ولا نعلم ...
يعني أديش حلو انو نحنا نكتشف هالموهبة ونطلعها للمجتمع وللعالم ...
هلأ انا رح حط الموضوعين اللي كتبتلي ياهن اذا لئيت في ردود وتفاعل شوي مع الموضوع وبعدين منصير منشوف وين نئط الضعف عندها ووين لازمها مساعدة وشلون ممكن نطورلها هالموهبة ..
مشان بعدين ننزل هالمقالات او المواضيع بصفحة انترنت خاصة فيها .. وكمان ان شاء الله رح ينزلو بمجلة كمان ...

منتمنى لتغريد كل التوفيق, و مثل ما انت ألت كتير حلو نكون أول مين اكتشف مواهب الأولاد الدفينة....

بس أنا شو عم قول
شو رأيكم من الناحية الإعلامية مانستعجل!!!

يعني نستنى حتى نضر لتغريد كم عدد من مجلتها, يعني بشكل نحسن نغطي السنة , أو نستنى حتى تألف كم كتاب , و بعدين مننشرلها ياهون .

اقتباس :

بس أنا شو عم قول
شو رأيكم من الناحية الإعلامية مانستعجل!!!

هلأ نحنا مبدئياً لسا ما فينا نعمل كتير اعلام عالموضوع لأنو ما في شي بأيدنا ... يعني لتطلع المجلة مثلاً منئدر نحكي بشي اسمو اعلام ... بس كمان مو غلط انو ننشر مقالات الها عالانترنت مشان الناس تعرفها وبس تنزل المجلة بيكون بركي في نسبة من العالم بتعرفها ووأتها بيصيرو بدون يئروا المجلة ..
ما بعرف شو رأيكون انت بالنسبة للناحية الاعلامية ؟؟

اقتباس :

يعني نستنى حتى نضر لتغريد كم عدد من مجلتها, يعني بشكل نحسن نغطي السنة , أو نستنى حتى تألف كم كتاب , و بعدين مننشرلها ياهون .

كم كتاب ئلتلي .. حبيبنا
سيدي على كلن هلأ لاحئين على هالحكي .. خلونا نمشي الخطوات بالترتيب .. يعني هلأ أول شي بدنا نتعب شوي على تغريد ... يعني هلأ بس تنحط المقالتين اللي كتبتون بتشوفون كلكون .. وبتئولوا وين نئط الضعف ووين الثغرات ووين ممكن نساعدها و اهم شي رأيكون بالمواضيع اللي كاتبتون ..
بس لتوصل الردود لـ 10 رح حط المقالتين

انا يمكن من تقديمكم لتغريد يمكن ما قدرت اعرف مين هي تمام بس عموما تعليقا عالموضوع بعتقد ما في شي منقدر نعلق عليه بالفعل لان موضوع النقاش اصلا مو موجود و هو مقالات تغريد و عندها بالفعل موهبة او لا و بتصور هاي هي الخطوة الاولى يلي لازم تعملها يا adminقبل النقاش عن الاعلام و الناس تعرفها هلأ او بعدين ..

اقتباس :

انا يمكن من تقديمكم لتغريد يمكن ما قدرت اعرف مين هي تمام بس عموما تعليقا عالموضوع بعتقد ما في شي منقدر نعلق عليه بالفعل لان موضوع النقاش اصلا مو موجود و هو مقالات تغريد و عندها بالفعل موهبة او لا و بتصور هاي هي الخطوة الاولى يلي لازم تعملها يا adminقبل النقاش عن الاعلام و الناس تعرفها هلأ او بعدين ..

هلأ اغلب الموجودين ما بيعرفوها ... وحتى انا ما كنت أعرفها أبل ما يصير حكي بهالموضوع .
أما بالنسبة للمقالات فهون هية النئطة انو نحنا ما رح نحط المقالات مشان تقيموهن لنشوف انو عنجد حابين تشاركونا بهالشي . يعني انا ما بدي حط هالمقالات لشوف انو في تفاعل ولو آري الموضوع منيح كان بين معك الهدف من هالموضوع
بس اذا عنجد حابب تشاركنا بهاد الموضوع .. ففيك انت تناقش وتعلق بهاد الموضوع اللي حطو بلال عن تغريد بعنوان "تغريد نحنا معك"
https://bana.ahlamontada.net/montada-f19/topic-t64.htm
وشكراً

ما بخفيك crazyfrog كلامك في وجهة نظر . بس بعد النقاش يلي صار بين الشباب و التصويت حول نشر المقالات بالمنتدى. أنا باييد الشباب .بالأول لما خبرني بلال قدر يطنبرني و خلاني آخد الموضوع من وجهة نظر وحدة , بس بعد النقاش و طرح الأفكار من الشباب فأنا بأييد ان ما يكون النشر بالمنتدى.
قلتلك يا رئيس المتطوعين , دير بالك , و تحمل اذا بتتحمل.

شو هية وجهة النظر Dr.TT
crazyfrog وانا كمان مع الشباب وبتمنى تقرأ الموضوع اللي الـ admin حط الوصلة تبعو

انا ما عم قول ان ما بدي تنتشر مقالات تغريد أبدا!
عم قول ما تنتشر على المنتدى. كلنا منحب نشوف انجازات الاولاد و نورجيها لكل العالم , بس المهم تنحط بالمكان الصحيح, و انا عم قول ان هاد المنتدى ماهو المكان الصحيح لنشر الكتابات و أعمال الأولاد. و مالي شايف شي غريب بوجهة النظر تبعي, أم عن السيد بلال فهو طنبرني لما ما خبرني غير بنص الحقيقة , و طبيعي بالنسبة إلى لما بخبرني رئيس المتطوعين بموضوع معين مارح اعمل حلقة بحث, لأن يلي خبرني هو رئيس المتطوعين

امممممم !!
كلام حلو كتير . بس هلأ بدنا مساعدتكن ..
يعني وين ممكن يكون هالمكان المناسب ؟