تغريد...... نحنا معك

هذا التصويت للرد على السيد admin الذي رفض نشر كتابات الطالبة تغريد على منتدى الشباب ( منتدى طق البراغي ) .

تغريد :
هي طالبة في المعهد النموذجي لتأهيل المكفوفين. تعتبر من المواهب الأدبية ضمن المعهد . تعمل على اصدار مجلة باسم المكفوفين . و كانت الفكرة بأن يتبنى منتدى الشباب نشر أولى مؤلفاتها أو كتاباتها . إلا أن السيد admin رفض فكرة نشر الكتابات ....

أكيد انا مو مع فكرة نشر المقالات عالمنتدى ...
يعني بصراحة مستوى المقالات صاير أعلى من مستوى التفاعل تبع المنتدى ..
يعني بمعنى تاني ما بيستاهل هالتعب
لأنو انا ما رح ضوع وأت واكتب موضوع لناس ما عم تئرا ...
على كلن اذا لئينا التصويتات غلبتني يمكن يتغير شي ... بس انا بضمنلك يا بلال انو ما رح يتغير شي
اصلاً ما بتوقع انو رح يصوت اكتر من تنين تلاتة

أنا مع السيد admin لأنو ببساطة المنتدى لطق البراغي
خود هالبرغي سيد بلال :
شو عم تعمل هون ؟
معقول عالم مابتستحي
مين سمحلك تقترح و تصوّت ؟؟؟؟
يا رجل أنت مو معقول
بس لو مالك معزّة ( وليس معزة لأنو ما عندك )
خلص فوّضت أمرك لبهاء

تاري نحن وييييييييين و العالم ويييييييييييييين

بلال انا برأي تستعين بقوى خارجية .. واذا حابب عميل حملة اعلامية .. يعني فريئ الاعلام ممكن يساعدك ... بس الفكرة انو الشباب اللي عندك جماعة ما بيستاهلو .. ليك وينون هدول اللي بدي اكتبلون .. مالي شايفون
أحيي جهودك أخي أبو طريييييئ

عجبتني فكرة التصويت.

مامنستاهل؟

أول شي مرحبا .... muaz - aeman - Dr.tt

اقتباس :

عجبتني فكرة التصويت. Very Happy

دكتور مو المهم بس تعجبك المهم تكون ناوي تشارك .. والظاهر انك صوتت على "نعم"
.......

اقتباس :

مامنستاهل؟

بصراحة اي .... لأنو الموضوع عم ينكتب .. يا دوب عم يشارك فيه 3 او 4 .. ونحنا عم نحكي عن موهبة ..... يعني 3 او 4 ما بينفعوا ... اذا ما كانت الاغلبية رح تشارك فمالنا مصلحة ..

على كلن الاصوات هية اللي رح تحكم آخر شي ... بما أنو منتبع مبدء الديمقراطية هون .. بس اذا ما كنت نسبة التفوق كبيرة وكاسحة ما رح يمشي الحال كتير ..

انا مع admin و مو معو
لأنو صح اذا انكتب الموضوع وراح عليه وأت وما في مين يقرأ فحرام
بس كمان فكرة التصويت حلوة . بس ان شاء الله يكون اللي عم يصوت مو بس فايت ليصوت وبعدين ينسى المنتدى كلو

أنا كمان بأييد فكرة ان مايكون دخول الشباب للمنتدى بس للتصويت , و يبقو على طول معنى حتى يشاركونا بأفكارون و آراؤن>>>>

أحيي جهود b@na والى الامام
وانا بضم صوتي للشباب ..

ممتاز صار في 7 أصوات و معروف مين مع و مين ضد
طيب إذا مسؤول الميديا ما رديتو عليه ؟ مين ناطرين ؟
خلص يا جماعة بهاء شايف أنو مو لازمة نشر الكتابات عالمنتدى خلص لفوها لبين ما يخلص الموقع العظيم للجمعية
ما هيك أخي بهاء؟

اقتباس :

لفوها لبين ما يخلص الموقع العظيم للجمعية
ما هيك أخي بهاء؟

والله يا صاحبي يا ابو طريئ ما منعرف اذا رح يخلص ...
على كلن رح نصبر عليهن شوي ... ورح نورجي بلال انون عنجد ما بيستاهلوا..
واذا انا قررت عذب حالي وحطون علماً انو ما عم نلائي وأت لنحك راسنا .. بس كرمال كم واحد وما رح اذكر اسماء .. بس مبينين اللي عم يشاركوا يا دوب يطلعوا 3 او 4 زلم
وبصراحة اكتر انا كمان رح ئلها لتغريد انو رح حط مقالاتك بمكان عالانترنت بس ما رح يئراه غير 3 اشخاص...
... انتوا مفكرين انو نحنا أصيرين حربة نخلي بهاد المنتدى 100 مشترك كل يوم ... بس الفكرة انو هاد المنتدى خاص بالبنويين يعني ما بدنا مين ما كان يفوت ويشارك .. ولولا هيك ما كانوا لهلأ بس 20 عضو ...

هلأ اللي كنا حاسبينو صار .
يعني الشباب فاتوا صوتوا وطلعوا

تأخر ولادة أول موقع للجمعية بتوقع هو شي الكل كان متوقعو, و يفترض هاد الشي يكون أحد الاسباب المهمة لنبدا ننشر كتابات تغريد , لأن اذا بدنا ننطر يمكن ننطر كتير

الشباب يلي فاتوا بس ليصوتوا و يطلعوا عليهم عتب كتير كبير , و بتمنى يبقو يشاركونا بأفكارهم.

عالوعد يا كمّون
رح ننطر موقع الجمعية بيكون أنسب
بس بلال لشو الخنزيرين بالرد تبعك ؟؟؟؟؟
شو قصدك ؟؟؟؟؟
مين قاصد فيون ؟؟؟؟؟
على كل الأحوال أنا رح وصّل رسالتك للمقصودين ( برغي ماكن )

شو يا سيد بلال. يا رئيس المتطوعين

انا فعلا أول ما فتت على المنتدى ما كان هدفي اكتر من التصويت لموضوع تغريد , بس هلأ الحكاية كبرت

ورح ورجيك إلك بالذات شو يعني الأفكار و المشاركة و شو يعني طق البراغي , و لا مفكر رئيس المطوعين ما بينطقلو برغي

Dr.TT أنا بتمنى تكون أد كلامك ...
في عالم بزمناتها بهالمنتدى حكت نفس الحكي ... بعدين هربت وما عاد شفناها ومع نفس الشخص اللي هو رئيس المتطوعين ...
على كلن عم نستنى مشاركاتك لنحكم ...

عجبني كتير حماسك Dr.tt

للتوضيح:
الخنزير مو مقصود في الإهانة ابدا, لأن بهاد المنتدى كلياتنا منحترم بعض.

أما موضوع التحدي فشكلك ما بتعرفني أبدا!!!!!

و هاد الطريق يلي حضرتك ناوي تمشي في أنا يلي فتحتوا و زفتوا و كل يوم الصبح بعمل في الرياضة الصباحية!!!!

و نصيحة حاول تستفيد من تجارب يلي سبقوك....مو شوفة حال و إنما ثقة بالنفس, و هي ما جبتها من عندي و إنما من ثقة المتطوعين.

Dr.TT أرجينا عزماتك لأنو خصمك مو سهل بنوب
فليبدأ التحدي على بركة الله

ثقة المتطوعين فيك, بتحب نضرب أمثلة!!!!!!!!!

من فترة مو بعيدة أبدا في حدا المتطوعين العقلاء يلي بفكروا باشغل بدون ما يلتفتوا للعواطف و الكلام المعسول قلك و بشهاد الآدمين أن الاسلوب يلي اتبعتوا مع الشباب بالاجتماع الأخير مع المدام لنا كان كتير سيء و العلامة خيرك بين ( فلان ) و بين المجموعة يلي كانت موجودة معو!!!!!
و طالبوك يومها بانك تغير من اسلوبك بمعاملتهم و انك مفكر حالك كتير فهمان و واعي و انهم حاسين انك عم تعاملهم كأغبياء .
هاد الشي صار و لا ما صار يا رئيس المتطوعين و بتحب قلك مين كان واقف يومها .

آدمين هاد الشي صار و لا ما صار؟؟

بلال يمكن صار لازم ترد ........

يمكن صار بشكل من الاشكال ...
بس موقف اسيئ التصرف فيه من بين 100 موقف ما رح يزعزع الثقة ...
يمكن يكون ألو تأثير سلبي . بس هاد ما بيعني انو الثقة راحت . ورئيس المتطوعين عندو مشكلة انو بيحب يتحمل المشاكل كلها لحالو . علماً انو نحنا فريئ واحد يمكن كلمتو الها تأثير أكتر من كلمتنا بس نحنا عم نشتغل سوا مشان نحل المشاكل سوا مو مشان نرميها على واحد ونمشي .
بس ما حدا جاب سيرة الغباء ...

بس يمكن ئلة الثقة .. واذا هو مو كتير واثق فينا فهاد مو يعني انو نحنا نسحب الثقة . وانا من جهتي كتير باخد برأيو . و روح ئلبي النقد البناء والنقاش والخناء

شو شايف حميانة الئصص
وينو بلال !!

على فكرة أنا ما فهمت شو قصدك من كل الرسالة. يعني النقطة الأولى يلي عم تتفضل في يا Dr.TT أن في بعض المتطوعين المتمييزين, و بعد الاجتماع مع المدام لنا حكو معي و طالبوني بتحسين أسلوبي الإداري يلي بو جهة نظرهم في بعض نقاط الضعف.

أنا هاد بسمي قمة الثقة....و قمة القوة بالعلاقات بين المتطوعين....و أصلان لولا هاد الشي ما كنا قدرنا نستمر لحد هللأ.

بصراحة أنا كنت كتير فخور بالشباب لما اجوا و حكو معي, لأن من فترة و أنا عم قول لحالي يا ترى لأي مرحلة و صلنا و هل أنا عم أشتغل صح أو خطأ. و أنا من بعد يلي صار بالاجتماع صرت متأكد أن لما رح أغلط أو الشباب يحسوا أني أسلوبي الاداري في نقاط ضعف, فما رح يحسوا أن في حاجز بيني و بينهم بالعكس رح يجوا لعندي مباشرة و يحاكوني و ينبهوني , و مثل ما بيقولو ( رحم الله امرأ........أهدى إلي عيوبي) أو رحم الله امرأ طق لي برغي ..

ما بخفي انهم كانوا شوي قاسيين معيي بالحكي و إني انزعجت شوي من الأسلوب يلي حكوا معي في , و خاصة ان الموضوع انحكى في بدون أي مقدمات , بس بالنهاية هاد حقهم و هاد واجبي...

و لاحظ أن أنت نفسك يا Dr.TT لو كان في عندك أي اعتراض عليي كان بإمكانك و ببساطة ترفع إيدك لما طرحت المدام لنا اسمي كمرشح لكون رئيس المتطوعين بالتجمع الجديد, و كونك وافقت فيفترض أني فهم أنك موافق عليي و على الطريقة الإدراية يلي بتبعها, أو أنك خفت تقول لأ قدام المدام..

و أكيد يلي بيحكي حكيك فهو أكيد مو الأولانية , و إنما التانية, و هاد بدل على كتير شغلات , منها أنك مستعد توافق على شغلات أنت مو مقتنع فيها, أنك بتخاف من المواجهة و من التعبير عن رأيك ( مع العلم أن الجو كان في قدر جيد من الحرية و الديمقراطية ) و لاحظ أنك حتى لما شفت الشباب عم يحكوا معي و سمعت كل يلي قالوا أنت و قفت على جنب و سمعت من بعيد بدون ما تعمل أي مشاركة أيجابية أو سلبية. و هاد ما بقدر افهم منوا غير أنك كتير سلبي و بتخاف تحكي حتى بالوقت بدل المستقطع.

شكرا Admin على الثقة و على كل الملاحظات يلي وجهتوها إلي و بتمنى هاد الشي يستمر حتى اذا ما كنت رئيس المتطوعين