الاجتماع العتيد

مبارح صار في اجتماع
بلال قال أنو الإجتماع كتير مهم
صار الاجتماع و يعطيك العافية يا بلال .......بس......
نحنا تعودنا منك على الديمقراطية يعني بتاخد رأينا قبل أي خطوة ...
طيب الإنسحاب من يوم التطوع كان رأي فردي منك و الحظ ساعدك لأنو بدون حسابات طلع قرارك صح 100% ...
اجتماع مبارح كان خطوة حلوة منك بس طلعت عن الموضوع المهم كتير
و شغلة مهمة أنو بابا شنكول (طارق السعدي ) و اللي هو عنصر هام كتير ما كان موجود
طيب مشان الدعم اللي قلتلي أنو من الجيران ؟؟؟ شو مشانو ؟؟؟ يعني مانا شغلة طنجرة ..
كمان بدي قول : حرام خفّو عن بهاء شوي صحي الزلمة كفو بس مو نركبو .. أي واحد معو مشكلة بدنا بهاء ما صارت معو مشكلة بدنا بهاء !!!!!!!!
مشان المسبح اتفق مع يمان أو متطوع معو سيارة أو مكرو
مشان التدريس خبرنا اختصاص الجيران
ومشان يوم العمل التطوعي نحنا أخدنا قرار لازم نمشي في ما نخلي بروجكتر عم يشتغل قدام موظف قالب خلقتو سبع ساعات...
اخر شي الي عملتو لحلك تاني مرّة كام غلط و في معي شبه اجماع عالموضوع ...
راجع حالك لأنو بهاء ماعد يتحملك و عم يخطط لأنقلاب

الكلام كتير وبدو رد مرتب ..
بس انا هلأ فايت لخبر ابو طريئ انو مشان طلعت المسبح ما رح تئدر تاخد الولاد لأنو ما في ادارة
ورح ردلك رد مرتب ان شاء الله ...

من عضام الرقبة أخي بهاء
لك عراسي كل الميديا لعيونك

اقتباس :

الإجتماع كتير مهم

هو فعلاً الاجتماع كان مهم ...مو كلو بس القسم التاني منو .. تبع الادارة وما ادارة .. بس يمكن من الصدمة وخصوصي تبع الآنسة رفاه .. ما كتير صار استيعاب للموضوع ..
هلأ المهم نحنا بفترة حرجة ولازم نكون أدها .. يعني عنجد ما في شي اسمو طئ براغي وكلنا فريئ واحد بس لازم نختار العالم بعناية ... مو كل مين صف الصواني آل انا علاقات عامة او موارد بشرية او ادراة او غيرو .... نسينا الاعلام ..
المهم الاصة كبيرة عنجد وبدنا نأثبت وجودنا ...
بالنسبة للآراء الفردية متل ما آل طارق كان القرار صحيح 100% بالانسحاب من المهرجان
بس نحنا هلأ بفترة متل ما ألنا الخطأ فيها بـ 10 بأى أكيد ما بدنا تصرفات فردية بالامور الحساسة .. بس بالامور التانية ما ضروري انشغل الدنية كلها معنا .. يعني كل واحد لازم يكون أد المسؤولية بالشغلة الموكلة ألو .. هو لازم ياخد القرار فيها .. لأنو لو بدنا نشتغلها معو كنا اشتغلناها لحالنا
بس شي أكيد انو بالامور الحساسة والهامة لازم يكون الأمر شورى بينكم ... أد ما كانت نظرة الانسان اللي عم ياخد القرارات ثاقية ...
أنا برأي مشان الدعم .. نحنا منكفي ومنوفي .. بس بدنا نحاول نأدم شوي زيادة بدنا ننظم حالنا وبدنا نشتغل .. واللي حاسس حالو ما خرج من هلأ يحكي ولا يورطنا ...

اقتباس :

مشان المسبح اتفق مع يمان أو متطوع معو سيارة أو مكرو

طارق أنا بعرف انو هاد مشروعك وأنو عنجد والله الله يعطيك العافية .. يعني فوء كل التعب اللي عم تتعبو مشان هالمشروع لسا لا حدا بيخبرك وبيرموا المسؤولية عليك .. بس بصراحة أنا برأي انو هلأ لازم نوأف هاد المشروع شوي ... لأنو ادارة ما في وما فينا ناخد الولاد ..
وطبعاً نحنا ما فينا نحط الحئ على حدا
وأنا برأي انو الكل عم بتعب نفس التعب .. بس كل واحد بمجالو ... يعني بلال الله يعطيه العافية والله ما شاء الله عليه كيف عم يلحئ .. الله يكون بعونو ويحمل معو .. يعني كل ما متطوع بدو يأيم ايدو عن رجلو لازم ياخد رأي بلال ويئلو شو اعمل ... حاولوا تكونوا اصحاب قرارات بمشاريعكن .. بس لما تصتعصي الامور كتير منروح لهالورئة الرابحة ...
ويمكن يا أبو طريئ من كتر الضغوط هي ما زبط معو القرار اللي مو عاجب نسبة من المتطوعين
وهو المذكور بالمقالة التالية:

اقتباس :

اخر شي الي عملتو لحلك تاني مرّة كام غلط و في معي شبه اجماع عالموضوع ...

---------------------------------------
أما بالنسبة لموضوع الطنبرة تبع ابو طريئ لبهاء فـ
بس بالنسبة للانقلاب مو وأتو هلأ ... يعني ممكن نحطها بالخطط المستقبلية
بس خلونا هلأ ننتبه على قراراتنا لأنو الغلطة بهالفترة بـ 1000 بأى ديرو بالكون
شفتو زادو من 10 للـ 1000 بشوية وأت بأى حسبوها انتوا ..

اجتماع مبارح كان خطوة حلوة منك بس طلعت عن الموضوع المهم كتير

انا ما اعتبرتوه خروج عن الموضوع و إنما تخفيف من التوتر يلي ممكن ينشأ نتيجة الجدية الزايدة

و شغلة مهمة أنو بابا شنكول (طارق السعدي ) و اللي هو عنصر هام كتير ما كان موجود

بابا شنكول اعتذر لأن عندو امتحانات بس عم يحاول جهدو يساعد قد ما عم يقدر

طيب مشان الدعم اللي قلتلي أنو من الجيران ؟؟؟ شو مشانو ؟؟؟ يعني مانا شغلة طنجرة ..
أكيد مو طنجرة و أكيد ما قصدي بالجيران جماعة الامن السياسي

كمان بدي قول : حرام خفّو عن بهاء شوي صحي الزلمة كفو بس مو نركبو ..
بهاء نحن عم ( نر......ك )

مشان المسبح اتفق مع يمان أو متطوع معو سيارة أو مكرو
بدون تعليق

مشان التدريس خبرنا اختصاص الجيران
بعد الشي يلي صار يوم الأربعاء الشباب أجبروني بكفونتهم ان ما نعتاز لا جيران و لا أقارب

ومشان يوم العمل التطوعي نحنا أخدنا قرار لازم نمشي في ما نخلي بروجكتر عم يشتغل قدام موظف قالب خلقتو سبع ساعات...
انت بتعرف موعد يوم العمل التطوعي؟؟؟؟؟

اخر شي الي عملتو لحلك تاني مرّة كام غلط و في معي شبه اجماع عالموضوع ...
يمكن بدي شوية توضيح حتى أفهم شوهو هاد القرار يلي انتو اجمعتوا على انو غلط

راجع حالك لأنو بهاء ماعد يتحملك و عم يخطط لأنقلاب
اذا بكم أي مساعدة بموضوع الانقلابات أنا عندي خبرة كبيرة ممكن فيدكم بهاد الموضوع

طاااااااااااااااااااااارق وينك ما عم ترد ... انا عم استنى ردك !!
شو هي يـ ....ك ما يركـ ...ك حسنوا خطكون شوي ...