أكتر شي بيعجبني المتطوع المتفائل
حديدان !!! حدا منكم بيعرف حكاية حديدان و شو أصل هي الكلمة.. اسمعوا يا شباب..
كان يامكان بقديم الزمان لحتى كان , كان في 3أرانب واحد اسموا اشيشان و واحد اسموا أزيزان و واحد اسموا حديدان .
بعد ما توفى أبوهم قرر كل واحد فيهم يسكن ببيت لحالو, و اختلفوا من شو بدهم يعمروا البيوت تبعاتهم , اشيشان قال أنا بدي عمر بيت من أش , بهي الحالة مهما كان الصيف قاسي مارح لاقي أرطب منو بيرد عني الشمس و بيفوت الهوا الرطب.
أزيزان قال أنا بدي أعمل بيتي من أزاز , منظر حلو بيخلي ضو الشمس يفوت لعندي و بيبقى بيتي منور طول النهار.
أما حديدان فقال أنا رح عمر بيتي من حديد! اخواتو ضحكو علي و قالو حدا بيعمر بيت من حديد ..
و بيوم من الأيام اجى ذئب كبير على الغابة فكل واحد من هدول الأرانب تخبى ببيتو ,وصل الذئب لعند اشيشان و قلو افتاح الباب احسن ما اجي آكلك , قلوا اشيشان : ايدك و ما تعطيك .
طبعا الذئب انزعج كتير من هاد الجواب و على أد ما كان معصب أخد نفس عميق و نفخو بوش البيت قام طير كل الأشات , خاف اشيشان و هرب لعند اخو ازيزان, طبعا الذئب لحقوا لهنيك و قلن طلعو بدي اكلكن ,
فجاوبو انهم مارح يطلعو , طبعا انزعج كتير و جاب حجر كتير كبير و ضرب في البيت فكسرو كلو .
و مثل العادة هرب الأخوين لعند حديدان , و طبعا هنيك حاول الذئب بالنفخ و الحجار بس البيت ما تأثر فحاول ينطح الباب بيراسو و من عزم الضربة مات الذئب......
ياريت تكونو كلكم حديدان , لأن نحنا ما عنا غير واحد .
موضوع: فرطوا الشباب ... 
الجمعة نوفمبر 16, 2007 9:39 am
القصة حلوة 
بس شو المقصود ؟
