احياء المكفوفين لليلة القدر في المسجد ...

انا بتوقع انو كانت كل الامور تمام ....
بس ما بعرف اذا حدا عندو شي ممكن يحكي عنو ...

أصدك كل شي مشي تمام , و على أحسن حال , بس مو متل ما كان مخطط له .

و أهم نقطة هي التزام المتطوعين , و كل الأشخاص يلي من أسبوع دائين على صدرهم و آيلين نحنا جايين , بس بدل ما تكون الطلعة الساعة 7.30 تأخرنا بالطلعة شي ساعة . و كان ممكن نضطر نعمل الاحياء داخل المعهد لولا أن الأولاد كانوا موعودين بالطلعة و ما كان معقول نكسر بخاطرهم بليلة القدر

صحيح تحقق الهدف و الأولاد كانوا مبسوطين , بس من الناحية التنظيمية المطوعين ما كان أدائهم منيح أبدا.

اقتباس :

بس من الناحية التنظيمية المطوعين ما كان أدائهم منيح أبدا.

هلأ انت اصدك انو التزامون ما كان منيح مو أدائون ما ؟؟ ... لأنو اللي أجو بعتقد كان أدائهم جيد
.. بس الفكرة انو بيني وبينك حاسس انو المتطوعين بلشو يتصفوا بالمخاوزة ..
هاد غير التساهل .. والتنييم ... والـ ت ن ب ل ة

يمكن أنا ما وضحت فكرتي بالطريقة الصحيحة , اداء المتطوعين بمشروع الإحياء كان جيد جدا , بس تنظيم الطلعة من ناحية التوقيت , مخطط الطلعة , كيف رح نروح على الجامع , حتى الجامع ماتحدد لقبل دقائق من الطلعة . و يلي غطا هي الأخطاء هو أداء المتطوعين الجيد.

اي هه فرأت ...
الله يعطيون العافية ويجزيون الخير