الافطار في مطعم برجيس

شو شباب ... معئول ما شفتو شو صار بالمطعم .. ؟؟

انا رح بلش .... ورح اختصر لأنو الوأت ما كتير عم يساعدني .....
اجتمعنا بالمدرسة وتوازعنا المهام وانطلقنا عالمطعم .... طولنا شوي بالطريئ من العجئة اللي الكل بيعرفها ...
بعد ما وصلنا بشي عشر دئايئ أدّن المغرب .. وعالطاولات ما في غير مي (ماء ..) وفي طاولات وصللها العصير ... وبلش الوأت يمرء والولاد عم يسألوا شو الوجبة ...
بعدين وبفضل من الله وصلت الشوربة ... بس نص الولاد ما بدون شوربة .... يعني لساتون وائفين عن الاكل وعم يستنوا الوجبة ...
مرء الكرسون الاول ... دخيلك شو صار بالاكل الولاد بدون ياكلوا ... يالله تكة وبيكون عندكون الاكل .... كتر خيرك اخي ..
لك شو هالتكة صرلو 5 دئايئ...
هي المشرف .. زكاتك بعتولنا الاكل مع الشباب .. يالله هه بلشنا نوزع هلأ بيوصل لعندكون ... انشالله خير ..
الولاد عالطاولة .. شو ما في اكل استاذ .... مبلا مبلا ...
لك يا اخي شو صار معكون الولاد عم يستنوا ... يالله والله جاية ... الولاد عم يشربوا مي ... انبئوا مي ....
واخيراً وصل الاكل .... فتة جاج ..... الولاد باستغراب شو هي فتة جاج .. (الاغلبية) .. بعد الشرح .. لاء استاذ ما بدنا شو في كمان ... آ ؟؟

طيب يالله منستنى شوي لتجي الوجبة التانية .... استاذ انا سكبلي شوي معلش ...
بعد شي 10 دئايئ تانيات اجت الوجبة التانية ... والاخيرة
كباب هندي شباب يالله ... الكل بدو ياكل ... طيب اسكبلنا للكل زكاتك ... شو صالح ليش ما عم تاكل ... استاذ حدّة ما بدي .....

وفهمكم كفاية ....
يتبع باذنه تعالى .......

بالنسبة للطريق فأنت ألت أنو عجأة , فالتأخر كان طبيعي , أما عن المي فالمطعم حب يتبع السنة و يفطر الأولاد على المي فوين المشكلة ..

و أكيد انت بتعرف اديش سيئ الواحد ياكل اول ما يأدن , و أديش مهم أنو ياكل تمر أو يشرب مي متل ما صار معكم و يستنى شوي و بعدين بياكل يلي بدو يا ..

كون الأولاد ما بحبوا فتة الدجاج , فهاد الشي طبيعي , بس شو زنب المطعم ؟؟

اذا صالح ما بحب الحد طيب برايك شو ممكن نعمل , بعدين أنت دقتها شي , بصراحة مالا حدة , بس يمكن صالح حساس شوي ...

انت خود الزبدة من الحكي ... الولاد طلعوا مو آكلين .... ولولا وجود الملقب عصام ... كنّا حسينا انو لساتون جوعانين بس التهو فيه وما عاد فكروا بالاكل .... انا عطيتك صالح كمثال ... بس الصحون اغلبها ضلت مليانة .... يعني انا ما ئلتلك انو مثلاً الطالب ابو العنز ... ئللي جبلي رز ولبن ما بدي كباب هندي ... و مشان ما يصير كذب انا ما دئتها ... بس على غير طاولة انطرحت فكرة الحد كمان ....