BANA- Building A New Aim

المساهمات : 5 تاريخ التسجيل : 23/09/2007

النقطة الأولى
من سؤال الأخ متطوع قديم , أفهم أنه يريد أن يعرف ما هي خبرة أبناء بلال شلة العباقرة ليكونو منسقين لبنا , ودون أن يكون لهم تاريخ يذكرفيها , و كانت الاجابة من الأخ منعم بأنه ليس منسق للاعلامية بل منشء لها و أنه لا يريد أن ينسق اللجنة , لذالك أنصح الأخ متطوع القديم أن يعيد السؤال بصيغة منشئين لا منسقين .

الثانية
أعجبني كلام الأخ منعم لدرجة أنني أكثر من ابتسمت

جمالية اللغة العربية انها لغة زجلة ، يعني مافي كلمتين قلن نفس لمعنى

زجلة لا تعني أن مافي كلمتين لهما نفس المعنى و لربما قصد جزلة و بكل الأحوال هاك التوضيح
( زجله و زجل به - زجلا دفعه و رماه و زجل الرجل أجلب و رفع صوته فهو زجل وزاجل وهي زاجله .
أما لو كان قصد جزل جزل الشيء جزالة عظم و كثر و اللفظ : استحكمت قوته و عندما نقول قصيدة جزلة أي ذات مفردات جزلة أي قوية مثل صنديد جلمود و هي عكس ركيكة .
وأما عن مافي كلمتين لهما نفس المعنى فالحديث ها هنا يدور عن أن اللغة العربية تتصف بالبلاغة و البلاغة من بلغ و بلغ شدة على اللام و البلاغ التبليغ و الكفاية يقال في الأمر بلاغ أي كفاية ما يتبلغ به و يتوصل الى الشيء و البلاغة حسن البيان و قوة التأثير و مطابقة الكلام لمقتضى الحال مع فصاحته و كل بليغ فصيح ولا عكس أي أن اللغة العربية بالغة بالدقة و الفصاحة و الجودة فلا يوجد كلمتان لهما نفس المعنا فقام -مثلا - غير و قف هذه الجملة كان مدرس اللغة العربية الأستاذ قبلاوي الله يذكره بالخير كان يقولها )
و أكمل الأخ منعم يقول

نحنا مو مستلمين اللجان نحنا عم نقوم بعملية انشاء لجان مو استلام ، واكيد انا مارح اعمل منسق لجنة ومسئيل فيها بدون شغل واعضاء

ثم قال

ومشان ارقام والتنسيق مع اعضاء اللجنة فحاليا عن طريقي فقط كوني انا منسق اللجنة الحالي ورقمي ما بيضيع حدا

هناك تضارب ؟ ومن الواضح أن هناك في الحديث روح تنسيق و مسئيل رغم أن الأعضاء ...

الثالثة
الأخ بلال نزاع على من سيوزع أرقام الهواتف . للهيكلية الادارية خطوط عريضة...
اعتبر هذا نقد لضورة السعي لتكوين علاقة تكاملية طولية و ليست عرضية بالعمل الاداري .

النقطة الأهم

لقد جئت لهاذا المنتدى عن طريق دعاية الأخ بهاء لمقالة وضعها في منتدى بنا
Bana.forumotion.com
و الكلام موجه لآدمن : بعد أن دخلت لهذا المنتدى و قرأت المقدمات أنا أحترم رغبتكم
( الأعضاء و أنت ) في هذا الموقع لتقديم النقد البناء ولو أنني أرى أنه لكان من الأنجع لو كان النقد ضمن المنتدى المؤقت المستخدم حاليا فلا داعي ليكون النقد بعيدا عن العمل و عملا بمدأ سد الذرائع و احتسابا للمستقبل لأن لا يتحول هذا المنتدى عن نهجه . و بكل الأحوال يوجد مقالة عن النقد البناء في المنتدى السابق الذكر من الأخ بيدرو فيها من الفائدة بقدر ما يكون الشخص متطلعا للاستفادة .

وللتوضيح و ضعت هذا الموضوع هنا (جمع الألعاب...) لأنه يحقق كثرة بالتواجدا للأعضاء .

المساهمات : 5 تاريخ التسجيل : 23/09/2007

أخ old Volunteers
لاحظت ورودخطأ املائي في احدى كلماتك بدال الميم حط سين

موضوع: رد: ^_^ الإثنين سبتمبر 24, 2007 8:31 am

أول شي مرحبا فيك اخ M.Moqdad بالمنتدى .... Very Happy

شكراً عالمعلومات الحلوة .. ولو انو فعلاً مو هون مكانها .. بس انا ما رح انئل الموضوع لأنو بالنهاية عم يحكي عالنقاش الداير بين الشباب الطيبة Twisted Evil

اقتباس :: لقد جئت لهاذا المنتدى عن طريق دعاية الأخ بهاء لمقالة وضعها في منتدى بنا
Bana.forumotion.com

مين هاد بهاء ... tongue

على كلن هو كان المنتدى بدو دعاية مشان تكتر الرجل عليه اصدي المشتركين فيه و هيك بيكبر النقاش وبتعم الفاشدة Wink

اقتباس :: ولو أنني أرى أنه لكان من الأنجع لو كان النقد ضمن المنتدى المؤقت المستخدم حاليا فلا داعي ليكون النقد بعيدا عن العمل

انا كنت مستحي احكي بس بما انو انطرح الموضوع ... المنتدى اللي عم تحكي عنو كان ما بيسمحلك تحط موضوع جديد غير اذا كنت فايت آدمن ... بس انا ضليت من زوارو بس ما كنت آدر غير انو رد عالمواضيع ... بس من شي يوميين شفت الآدمن تبعو آم خبرني انو زبطوا هالئصة .
شغلة تانية بيني وبينك المنتدى ميت وبلا زعل ... يعني في ردود انا كاتبها من شهر .. ما شفت حدا رد عليها .. علماً انو المشتركين فيه اكتر من الضعف هون ...وبالانترنت ما في شي بعيد ..يعني بكم كبسة كبسة زر بتصير وين ما بدك lol!

اقتباس :: لأن لا يتحول هذا المنتدى عن نهجه

انشالله ما رح يتغير هن نهجة ... وهاد الشي انتوا بتقرروه يعني اللي بتهمو مصلحة الجمعية وشغل المتطوعين وروح الفريئ .... ما رح يغير هالنهج .. وبالعكس رح يحاول يحافظ عليه cheers

المساهمات : 5 تاريخ التسجيل : 16/09/2007

او شي بدي اشكر الاستاذ Adam على جهودو
وبصراحة انا بعد ما شفت شغلك بالنشاطات الاخيرة احترمتك كتير
وعرفت انك موشخص تبع كلام متل كتير من الاشخاص يلي عم نشوفن

وشكرا للسيد المقداد على هذا الرد القوي المدمر
الي خبرني عنو على التلفون عدة مرات مشان اقرأه
وبصراحة والواحد يحكي ضميرو تفاجئت مو بس هيك واندهشت
ولسعتني متفاجئ
وشكرا جزيلا على درس اللغة العربية ولكن للعلم فقط ومو للرد
( جزلة هنا صفة وهي بمعنى القوة والعظمة والكثرة الجزيل : العظيم )
اي ان اللغة العربية لغة عظيمة وقوية وليس للمفردتين فيها نفس المعنى )
وهذا ياسيد المقداد لاعلاقة له بالبلاغة وهي الفصاحة التي بمعنى الطلاقة (لسان فصيح أي طلق )
(راجع مختار الصحاح )
مو هون موضوعنا نحنا مابدنا المنتدى يصير مكان للسفسطائية والسفسطائيين
وبتمنى ما نضيع وقتنا بالحكي والوقوف لبعض على اقل الاخطاء وحتى الاملائية
اذا كنت عم تدور على فرصة لتكون افهم من الاشخاص الموجودين
فأنا عني بعترفلك انك افهم واحد وبس بتمنى انو يكون النقد نقد بناء موجه للتطوير الشغل
وما يكون هاد مكان للقدح والذم او للانتقاد لمجرد لانتقاد
وفي مقولة حولة كانو يحفظونا ياها ونحنا وصغار ومابعرف اذا كانت حديث
( عظ الناس بعلمك ولاتعظهم بقولك )

فبتمنى نشوفك باي شغل خيري استاذ مقداد وحتى ولو كان مو مع جمعيتنا
وهيك فينا نطور الشغل سوا
لانو اذا كل واحد فينا ادم شي باي مكان حنقدر نعمل شي
ولو ضلينا ننتقد ونعطي تعليقات كم سنة حيعطونا اسم جديد بدال العالم الثالث والدول النامية
وشكرا لرحابة صدرك

عبد الله منعم

المساهمات : 5 تاريخ التسجيل : 23/09/2007

سيد منعم كنت متمني أنك تنهج نهج علمي بحكيك ليكون بالامكان أنو ينبنى عليه

أولا كلمة جزلة ( وليس زجلة ) تعني القوة و الكثرة و العظمة و هي لا تقتضي باللغة أن لايوجد كلمتين لهما نفس المعنى فزجلة كما سبق و قلت جزل الشيء جزالة عظم و كثر و اللفظ : استحكمت قوته و عندما نقول قصيدة جزلة أي ذات مفردات جزلة أي قوية مثل صنديد جلمود و هي عكس ركيكة
و أما البلاغة فكما سبق و قلت البلاغة من بلغ و بلغ شدة على اللام و البلاغ التبليغ و الكفاية يقال في الأمر بلاغ أي كفاية ما يتبلغ به و يتوصل الى الشيء و البلاغة حسن البيان و قوة التأثير و مطابقة الكلام لمقتضى الحال مع فصاحته و كل بليغ فصيح ولا عكس أي أن اللغة العربية بالغة بالدقة و الفصاحة و الجودة فلا يوجد كلمتان لهما نفس المعنا فقام -مثلا - غير و قف والبلاغة بدورها لا تقتضي طلاقة اللسان
و على العموم أستاذ منعم ياريتك أنت جبت أصل الكلمات من مختار الصحاح ( اذا كان عندك يا ) متل ما أنا عملت لكان حكيك أقوى للتصديق ( بيتاخد في )
و على العموم أنا ما جبت هالحكي من بيت أبي ( مع أنو أبي أديب لغوي و له دواوين شعرية و دارس أدب عربي يعني بالحد الأدنى ) فأنا ماجبت هالحكي من بيت أبي و للاطلاع روح راجع المعجم المدرسي طبعة 1985 تأليف الأساتذة
قدري الحكيم
محمد نديم عدي
مطيع ببيلي
و تدقيق لغوي للأساتذة
الدكتور محمود السيد
محمد عدنان خشة
هشام نحاس
عبد الله الموشلي
فرحان حداد
والمواضيع واردة بالصفحات 451 لزجل و 194 لجزل و 128 للبلاغة
هيك بيكون الحكي مني على بينة
أما عن كونك أعتبرته خطأ املائي فيأسفني ألك أنو أبدا مو خطأ املائي هاد خطأ بمعلومة ( من شو ناتج أنا مادخلني )
و اذا كنت أنت شايف هي سفسطائية فبسرني أني أدعوك لتقرأ مقالة بسيطة عن السفسطائية فيها من الفائدة بقدر ما يكون الشخص متطلعا للاستفادة و لربما بيتوضحلك مفهوم كلمة سفسطائية مشان ما حدا يحكي فيها يمين و يسار ( بتلاقي المقالة قريبا على منتدى بنا الآخر بالقسم الثقافي ( ما بيضوع حدا ) )
أما عن كوني عم دور عفرصة لكون أفهم الموجودين فأنا بأكدلك أني ماعم دور ( و بالأخص بهاد المنتدى )
و أما عن كون ما قرأته اعتبرته قدح و ذم و انتقاد لمجرد النتقاد
فأولا أنا صرت هيك كتير متفاجء لنظرتك لمفاهيم الأشياء يعني ياريت توضحلي شو معنى قدح و ذم لأني بتواضع دارس حقوق و عندي شوية معلومات بسيطة شوية ها عن القدح و الذم و جرائمها فيبدو أنك يا أخ منعم ترا و جود قدح و ذم ياريت تطالعلي ياهن بالردود السابقة و الله يخليك لو تشرحلي و تفيدني شوي بنوبك ثوابي
و أما عن انتقاد لمجرد الانتقلد فأنت ما رديت عن الفكرة الثانية من كلامي الذي كان يتعلق بفكرتك انشاء اللجان و تنسيق الجان
و أما عن مقولة ( عظ الناس بعلمك و لاتعظ الناس بقولك )
فياعمي بقلك أنو نحنا جماعة درويش وبكل الأحوال عملك خطفة رجل عالمنتدى الآخر يمكن تلائي شي يعجبك بالقسم الثقافي
و أما عن كونك بدك تشوفني بعمل خيرسواء مع بنا أو مع غيرها فأنا عني كتير آسف لأني مابدي ياك تشوفني و أنا عم ساوي ( خير ) لا أنت و لا غيرك و هالشهادة من الناس أنا مابدي ياها .
و بدي أضطر كون قاسي بلهجتي ( ما حدا بيحق له يقيم شغل الآخر خاصة اذا كان ما بيتمتع بأفضلية للتقييم ( فعمل الخير عبادة بين العبد و ربه ( ذالك لمن يؤمن بالله و أما للغير فهو بينه و بين نفسه ) ) و أنت لست الاه و بالأخص لما بيتناول الحكي مجالات عامة للحياة فهي بدك تسمحلي فيها لأبأت تعيدها معي أنا بالحد الأدنى و بنصحك لا تسأل غيري عن متل هيك سؤال .
و أما عن كون مجتمعنا من مجتمعات العالم الثالث فهاد الموضوع بخصك أنا عني ما بيعنيني و طبعا رأيي هاد غير مطروح للنقاش يعني أنت حر و أنا حر .
و أما عن النقد البناء فمتل ما قلت أبل فيك تفوت عالمنتدى الآخر و تقرأ عن النقد و النقاش الذي يدور حوله .
M.Moqdad

موضوع: رد: ^_^ السبت سبتمبر 29, 2007 3:08 pm

عزيز آدمين :
يمكن صار كتير واضح ان البعض عم يستعمل المنتدى بشكل بعيد تماما عن اهدافه . يعني بصراحة ما لي شايف طق براغي , أنا شايف هجوم شخصي بعيد كل البعد عن الشغل . بتمنى تنهي هاد الوضع بأسرع وقت .

المساهمات : 5 تاريخ التسجيل : 23/09/2007

أنا شايف أنو في نقاط عم ينحكى عنها بغض النظر عن الأسلوب . و لو أني لا أجد به ضيرا .
ثم طق البراغي هو الشي يلي حابب تشوفو غريبة ما طق البراغي يخرج من رحم الكره
و الكره هو صورة من صور الهجوم الشخصي .

المساهمات : 5 تاريخ التسجيل : 16/09/2007

لنبدأ بالنقد البناء استاذ بلال
مبارح شفت بنومي اني ماشي بالصحرا وفجأ لقيت فانوس سحري
وطلعلي منو مارد عظيم ، قلي شبيك لبيك طلوب وتمنى انا بقدر حققلك ثلاث طلبات
طلوب وتمنى ؟
انا ماصدقت وحبيت اختبروا قمت قلتلو سؤال صعب وما حدا بيعرفو غير واحد انا بعرفو
سألتو بقوة شو اخر أخبار مملكة بنا والمتطوعين ؟
طلع علي نظرت استخفاف وقلي حقلك يلي ما حدا بيعرفو
بيوم من الايام فاق واحد من المتطوعين على تلفون من واحد مهم قلو الله معك
وشكر لخداماتك ، وبيوم تاني احد تاني وقع عليه العقاب بالحرمان من الوالي وهيك تهمش على الاخر وكان عم يتمنى مصير الاول
ومتلن كتير لاتعد بين يوم وليلة عم يصيرو برا وبدون ما حدا يدرى

اندهشت كتير وطلبت منو طلب اكتشفت انو غبي
قلتلو وشو المعايير ؟
غط دقيقة ورجع وقلي غير ربك ماحدا بيعرف
ساعتها تضايقت كتير وقلت ما بدي شي من المارد غير طلب اخير ارجوك فيقني !

ياترى شو تفسير هالحلم ؟!...........
عبد الله منعم

موضوع: رد: ^_^ الأحد سبتمبر 30, 2007 7:58 am

مرحبا ...
أول شي انا آسف اني ما كنت عم شارككون بس كنت مرضان فما كنت كتير عم تابع ... وفعلاً الموضوع طلع عن اللب ولازم يا يغير منحاه يا أما يتوئف ... بس لازم احكي كم شغلة بالاول ...
المهم ...
اخي M.Moqdad يعني بدي اشكرك على هالمعلومات القيمة ... بس فعلاً انا لما بفوت على هالمنتدى ما بفوت لشوف هالمعلومات .. يعني ئلتلك ياها أبل هالمرة .. فمثلاً انا لما بدي دروس باللغة العربية بلائي مواقع ومنتديات متخصصة لهيك شغلات فيها من الخبرات ما لا يخطر على البال ...

اقتباس :: مع أنو أبي أديب لغوي و له دواوين شعرية و دارس أدب عربي يعني بالحد الأدنى )

الله يخليلك ياه .. وانشالله بترفعلو راسو ...

اقتباس :: أما عن كوني عم دور عفرصة لكون أفهم الموجودين فأنا بأكدلك أني ماعم دور ( و بالأخص بهاد المنتدى )

انا هي بعتبرها ئلة احترام ... علماً اني ئادر عدل المقال واحذفو كلو ... بس خليتها لتفسري اصدك تمام شو فيها ... وعلى اساس هالرأي منحكي
وبما انك بتحب الئراية كتير ... و بتئول للعالم شوفوا الشغلة الفلانية وطالعو الكتباب الفلاني ... انا بطالبك تئرا ... الموضوع تبع "قبل ما تبلش" بظن بتعرف كيف توصلو

اقتباس :: و أما عن كونك بدك تشوفني بعمل خيرسواء مع بنا أو مع غيرها

مو المئصود هون انك تطلع 25 ليرة ادامنا وتتبرع ... بس رح ئلك مثال عملي كتير وئريب كتير ... من فترة مو بعيدة بنوب .. يعني شي اسبوع 10 تيام ... كان في تعبئة الوجبات .. وكنا مضطرين لعالم كتير .... فالغريب انو ما حدا شرف باستثناء البعض... هون لما بتجي بتفرجينا همتك ما بتكون عم تورجينا انك عم تشتغل خير ... يعني هون ما فيك تتخبا وانت عم تشتغل ... بعدين في شي اسمو سراً وعلانية ... و فهمك كفاية
هلأ بدي اطلب منك شغلتين اخي M.Moqdad
اول شغلة متل ما ئلتلك بتئرا الشغلات المهمة أبل ما تشارك وبتحترم المنتدى ..
تاني شغلة يا ريت تبتعد عن دروس اللغة العربية ... وحبيت ئلك انو نحنا كمان منعرف نحكي عربي تمام ... ولما بدنا دروس رح نعرف وين نلائيها أكيد ... فهاد المنتدى مو ليهك شغلات .. يعني انا ما فيني افتح منتدى لغات برمجة وحط موضوع تعبير ... Suspect

فيا شاركنا بمواضيع المنتدى وعلى اساسها ... يا أما انا كتير بنبسط لما رح لائيلك مقال بشي منتدى من المنتديات المختصة ... وثق تماماً اني رح ائراه بتمعن وأت كون آصدو
وارجو التوقف عند هذا الحد ... ونسيت ئلك انو المرة الجاية لا تحط موضوعك بمكان مو مكانو .. يعني فيك تعمل موضوع جديد .. ولا تستحي ببلاش الموضوع الجديد ... بس عريف تختار مطرحو منيح Wink

خلصت بأى ....
عبد الله قال :

اقتباس :: بدي اشكر الاستاذ Adam على جهودو

ولو اني ما بعرفك يا آدم ... بس بما انو الشباب شهدولك فخلص .. بس ما بعرف اذا انت هون عضو بالمنتدى .. ليكون انت youri Question

المهم ... عبد الله بدي اطلب منك انت كمان انو خلص نوئف النقاشات الدائرة حول اللغة العربية

اقتباس :: بتمنى انو يكون النقد نقد بناء موجه للتطوير الشغل
وما يكون هاد مكان للقدح والذم او للانتقاد لمجرد لانتقاد

انا معك بهي النئطة .. وبتمنى من الاخ مقداد يلتزم معنا بشروط النقد اللي محطوطة بأول المواضيع

اقتباس :: كم سنة حيعطونا اسم جديد بدال العالم الثالث والدول النامية

الله يستر ...... لأني بهي كمان معك

أما الاخ بلال فقال

اقتباس :: عزيز آدمين :
يمكن صار كتير واضح ان البعض عم يستعمل المنتدى بشكل بعيد تماما عن اهدافه . يعني بصراحة ما لي شايف طق براغي , أنا شايف هجوم شخصي بعيد كل البعد عن الشغل . بتمنى تنهي هاد الوضع بأسرع وقت .

بلال انا معك ... ومتل ما ئلتلك ما كنت عم بئدر تابع ... بس انا ما حبيت احذف ولا عدل عالمقال .. وكلكون بتعرفوا ليش ...بس هلأ طلبت شوية طلبات بتمنى كلياتنا نكون حباببين ونحب بعض ونشتغل على أساسها ...
ومشكورين جميعاً عالتفاعل والتجاوب سلفاً ...

موضوع: رد: ^_^ الأحد سبتمبر 30, 2007 1:36 pm

[size=18]أولا شكرا أخي Adminعلى سرعة الاستجابة...

ثانيا حول طرح السيد عبدالله لموضوع الفانوس السحري , فانا و بصفة رئيس المتطوعين مالي مضطر لف و دور و أحكي حكايا ... و يلي صار هو التالي ...

في واحد من المتطوعين ( تحركش ) ب 3 صبايا كانوا جايين زيارة للجمعية , و أخد أرقام موبايلاتهم , لحد الآن كان الوضع بيستاهل بس بهدلة و أنا طولت بالي, بعد يومين بيتصل بوحدة من هدول الصبابا و بخبرها أنوا في اجتماع استقطاب بالجمعية و بيعرض عليها يجي يوصلها من البيت .

أنا مالي مضطر خبر مين من كان ليش فصلت فلان و ليش فصلت علان , للعديد من الأسباب , مثلا مثل هي الحالة أول شي رح يسأل البعض مين هدول الصبايا , و شو حكا معهم , و أنا كيف وصلني خبر ,,, و لت و عجن أنا ما بحبوا ..

و لحتا تعرفوا أكتر منهيك بعد ما طلع قرار توقيف هاد المتطوع 6أشهر عن الجمعية و بعد يومين بيجتمع هو و هي الصبية بالصدفة بدار الكرامة و بصير بيناتهم حكي و على أساس يلي صار بيناتهم رح ينفصل هاد المتطوع فصل نهائي و رح حاول جهدي امنعوا ينزل على دار الكرامة كمان .

هي الحالة الأولى ...
الحالة الثانية , أنا هي ثالث سنة مع أولاد المعهد , بعرف كل واحد فيهم كيف بيفكر , شو بيحب و شو بيكره , و أنا من أكتر المتطوعين يلي عندهم خبرة بالتعامل مع المكفوفين , فلما أنا بقول أنوا المتطوع فلان ما بدي يا يفوت لعند الأولاد أو يتعامل معهم , فأكيد مارح يكون قرار اعتباطي أو لخلاف شخصي , و ما بسمح لأي متطوع و خاصة يلي لحد الآن ما تعامل مع الأولاد و ما بيعرف و لا 20% من يلي بعرفوا عنهم و يمكن الأولاد ما بيعنولوا شي. أنوا يجي و يقلي ليش ما سمحت لفلان يطلع لعند الأولاد أو ليش عم ( تهمشوا ) بالمشاريع يلي فيها أولاد ....

و بيموضوع الأولاد تحديدا ما بقبل حدا يقول لاتفصل المتطوعين لأن في نقص بالعدد , لأن الأولاد مالهم مشروع كل ماكان العدد أكبر كل ماكان أحسن , و كلمة صغيرة ممكن تروح جهد كتير كبير عم ينشغل من 3سنين على كل واحد من الأولاد .

يمكن أنا شوي قاسي بقراراتي , و يمكن تقولوا عني دكتاتور , بس في مواضيع ما بقبل حدا يناقشني فيها , من حقكم تعرفوا و تسألوا , و واجبي اني جاوب , بس الخطوط الحمرا لا حدا يجرب يقرب منها .[/size]

المساهمات : 5 تاريخ التسجيل : 16/09/2007

عفوا قصدي Admin موAdam

استاذ بلال
يعني لا طق البراغي عجبك ولا الحكي العادي عجبك
الاسهل تحدد شو الموضيع يلي ممكن ننتقد فيها بيكون أسهل
مثلا موقع اللوح بغرفة الاجتماعات ؟!....
ممكن أن نتطرق للون ستائر ؟
طالما قلنا نقد بناء فمن حق اي شخص يوجه اي سؤال ومافي شي اسمو خطوط حمرا اذا كان هدف كل واحد فينا تطوير الشغل وحل مشاكلو

ولنفرض انك انت منيح وعندك اسباب (بنظرك ) جوهرية لفصل المتطوعين
ممكن يجي واحد بعدك وبحجة انك انت عملت هيك ممكن يطرد كل المتطوعين بدون ماحدا يقلو ليش ، لانو بزمناتو واحد قال هي خطوط حمرا وانا بعرف شو عم بعمل
بالنسبة لاول واحد حكيت عنو ما بعتقد انو في حدا بيعارض فصلو اذا كان غلطان
بينما التاني يلي بنظرك ما بيقدر يتعامل مع المكفوفين ويلي حتى ماعطيتو فرصة
بس بدي ذكرك بحالك اول مرة فتت عدار مسنين وشو عملت اخطاء
ومشان مايكون المكفوفين حقل تجارب فينا نعمل دورة للتعامل وفيها اختبارات واذا تجاوزها ساعتها حقو يتعامل معن ولاترحمو اذا غلط بس مافيك ترمي افكارك على الناس جزافا ،
يلي يمكن مايكنلها سبب غير خوفك الزائد على المكفوفين ، الام بتتمنى انو يضلو ولادها حوليها مايحكو مع حدا جديد وما يسافروا وما يتزوجو
ولو عملو هيك ماكنا بحياتنا تطورنا
وبرجع بقلك اذا كانت انت نواياك حسنة فممكن في زمن من الازمان انو يجي شخص ماعندو نظرتك الثاقبة للامور ويفصل المتطوعين على حسب العرف السابق يلي حضرتك ابتداعتو
ومشان خبرتي بالتعامل مع المكفوفين يلي هي 20% من خبرتك على فرض انو خبرتك 100% ، هاد هو جوهر العمل التطوعي كل شخص عندو خبرة بمجال معين وكلنا من كمل بعض ، يعني يمكن يكون عندي خبرة ادارية انت عندك منها وهيك كلنا منتساعد ومنعلم بعض لنطور شغلنا ونطور الجمعية وهاد جوهر العمل الجماعي ، بينما اذا كل شخص افتخر ب 100% يلي عندو حنضل احاديي النظرة و كل واحد عم يغني على ليلاه مو ممكن نتطور
بحار واحد بسفينة مو ممكن يعمل شي ولو كان عندو خبرة كبيرة بالتجديف فاكتر شي ممكن يعملو هو لحالو انو يجدف وهيك حيخلي السفينة تدور بمحلها
واسف للتطويل وشكرا لرحابة صدر وتقبلك النقد من اي شخص حتى لو كان عندو 20% من خبرتك
عبد الله منعم

المساهمات : 5 تاريخ التسجيل : 23/09/2007

أخ بهاء
عن كونك فهمت جملة
أما عن كوني عم دور عفرصة لكون أفهم الموجودين فأنا بأكدلك أني ماعم دور ( و بالأخص بهاد المنتدى )
فحأشرح ولو أني ماني مضطر
متل مانك شايف يفترض هدا منتدى نقد بناء و أنا لما بدي أحكي بموضوع ثقافي بحكي بمكانو ( أنت بتعرف و ين تلائي متل هيك مواضيع ) و بالتالي أنا ماني عم دور لكون فهمان بالأخص بمنتدى مو مجهز ليكون ثقافي مو لأنو الأعضاء ما عندن ثقافة ( لأ أبدا ) بس لأن مو مكان متل هيك موضيع
ولما أنت بتشوف متل هيك حكي ألة أحتلرام فأنا بشوف الاتهام بمتل هيك اتهام هو الة الاحترام لأنو الحكي بينزان أبل ما ينحكى

و أما عن دروس اللغة العربية فأنا شفت أن التوسع فيها من قبل الغير كان تهرب من
جواب لأسئلة بتخص بنا بالمقام الأول وهي نقد على حد علمي البسيط مثلا
أما عن أبي فبشكرك على خالص الدعاء و ثق تماما أني رافع راسو و بتمنا أن كل المتطوعين يرفعوا روس أهليهن
و لما بدك تألي أنو مثلا ورجينا وشك ببنا ( لو فرضنا أنوهاد شرط لأحكي ) و طبعا يبدو أنك متطوع شغيل و حامل هم بنا عكتافك الله يقويك .
فأزل شي بكرر كلامي ماحدا بحق له أنو يسأل حدا عن شغلوا و متل هيك سؤال في ألة احترام
فأنا بتمنى منك بالمرة الجايي تعرف من هو المقداد يعني موضروري كل يلي عاملو أنا يكون كلشي أنت شفتو
و لما بيكون ناقسكن عالم للتحميل فأنا عني مو مشكلتي لما ما بدرا فهي مشكلة منسقين و تنظيم و ادارة ( و الحكي هون لبلال ) يعني لما ما حدا اجا ماخطر ببالكن تسألوا حالكن سؤال ليش ما حدا أجى فأبل ماتتهم بسرعة خود و قتك بالتفكير
وأبل ما تطلب أن يتوقف الموضوع عند هون ياريت ماتتهم حدا مرة تانية بألة الأحترام و ياريت منك أنو ينتهي الحكي لعند هون

لننتقل للحكي الهام

أخ بلال
أنت ما عم تقبل يصير أصغر مشكلة عند الولاد لأنك أكتر واحد بتعرفن و أنت يلي بتححد مين بينزل يتعامل معن و مين لأ
و ألت أنو الولاد عندك مو مشروع
حكيك هاد عن جد هزلي بدني

بس عفوا أنا بدي أسئلك أنت شو بتعنيلك الكرامة ؟؟؟
ياريتك تجاوب

أنت يلي مانك شايف الولاد مشروع كيف أبلت أنك تنزل متطوعين بنا للكرامة و هن مابيعرفوا عنها شي يمكن بتزكر و قتها أنك ألتلي أنك بدك ياهن يتعرفوا عليها يمكن بهيك بتكون يا بلال كبيت كلشي تعلمتوا من الشباب يلي أبلك عن دار الكرامة و أنت هيك أبلت أنك تعملها مشروع و بكل الأحوال يا أخ بلال متطوعينك ما عملوا شي بالكرامة و على هيك مارح يعملوا شي و لبين ما تكتشف أنت هالشي بدي وقتها واجهك بكلام صدقني أنت مارح تحبوا لأني عم استنا أني شوف شي من الأيام يلي مضيتها بالكرامة و بكل الأحوال يمكن مضى لبنا بالكرامة من شهرين لثلاثة اذا مو أكتر أنا هلق بتحداك تجبلي واحد من مطوعينك و تسألو الكرامة شو و التحدي الأهم لما بتسأل شباب الكرامة مين بنا ؟؟
و قتها بس أبل ما تجيب شباب و صبايا بنا للكرامة لح تحس بكرامة النزلاء و حكيي آسسي لأنك تماما أنت بالذات بتعرف أني بفهم في أكتر منك و أكتر أي واحد ببنا .
فياريتك ما اعتبرت نزلاء دار الكرامة مشروع من مشاريعك و ياريت حسيت بكرامتن أبل ما تستغلوا نزلتكن لبنا بدار الكرامة ( و أنت بالذات بتعرف كيف ) و لما بتقول أنا بدي كف أيد جهة ما عن دار الكرامة ( مارح أحكي بصلاحية كف الايد ) فأنا بتحدا كل المتطوعين يلي عم ينزلو عالدار يعملوا ربع الشي يلي وليد بساوي و بتأمل ما يجي اليوم يلي شوفك يا أستاذ بلال منزل متطوعين بنا للميتم الأرتذكسي لتكمل سلسلة مشاريعك الاجتماعية .
المقداد

موضوع: رد: ^_^ الإثنين أكتوبر 01, 2007 9:23 am

اقتباس :: متل مانك شايف يفترض هدا منتدى نقد بناء و أنا لما بدي أحكي بموضوع ثقافي بحكي بمكانو ( أنت بتعرف و ين تلائي متل هيك مواضيع ) و بالتالي أنا ماني عم دور لكون فهمان بالأخص بمنتدى مو مجهز ليكون ثقافي مو لأنو الأعضاء ما عندن ثقافة ( لأ أبدا ) بس لأن مو مكان متل هيك موضيع'

الغريب انك بتعرف انو مو هون مكانها وعم تحطها .... وخير الكلام ما قل ودل

اقتباس :: و لما بدك تألي أنو مثلا ورجينا وشك ببنا ( لو فرضنا أنوهاد شرط لأحكي ) و طبعا يبدو أنك متطوع شغيل و حامل هم بنا عكتافك الله يقويك .

انا ما ئلت لحدا يأرجيني وشو لأنو انا ما دخلني وما بيحئلي واذا ئلت لحدا هاد الحكي فمن باب الاخوة والصداقة والمونة ... هي اولاً ... وتاني شي انا مالي آدر احمل هم حالي لاحمل هم جمعيتنا ...

اقتباس :: ماحدا بحق له أنو يسأل حدا عن شغلوا و متل هيك سؤال في ألة احترام
فأنا بتمنى منك بالمرة الجايي تعرف من هو المقداد

كمان هون انا ما سألتك عن شغلك .. لأنو ما بيحئلي اولاً وكل مين ادرى بحالو تانياً وتالتاً والاهم انا ما كنت عم احكي عن المقداد ... انا كنت عم احكي بشكل عام ..

اقتباس :: لما بيكون ناقسكن عالم للتحميل فأنا عني مو مشكلتي لما ما بدرا فهي مشكلة منسقين و تنظيم و ادارة ( و الحكي هون لبلال ) يعني لما ما حدا اجا ماخطر ببالكن تسألوا حالكن سؤال ليش ما حدا أجى فأبل ماتتهم بسرعة خود و قتك بالتفكير

عنّا منسق واحد بجهاز موبايل واحد لديه انشغالاته بالحياة .. فالحياة ليست كلها بنا ... وفي شي 100 متطوع ... وفهمك كفاية ..
بس الفكرة انو هاد المشروع عم ينحكا فيه بالجمعية من شي شهر ... وانتشر الخبر بالجمعبة .. فما كان من الضروري انا يصل الخبر شخصياً الى كل فرد ... واللي بدو يدرا بيدرا .. فالكلام لم يكن اعتباطياً كما تعتقد ....
في شغلة تانية .. انو طلبت منك تئرا شروط كتابة اي موضوع او رد ... بس انت ما أريت مع انو كلون 5 سطور يعني ما بياخدو اكتر من دئيئة ...

المهم نحنا هون كلنا صحاب ... وانا حاسس انو هاد النقاش كان فيه ثغرات من البداية ورح اطلب منكن انو كل واحد يكتب شو عجبو بكل شخص رد عالموضوع وبس ... وانشالله رح يتسكر الموضوع بس ليكتب كل واحد شو رأي بكل شخص شارك بهالموضوع يعني بس شغلة اربع سطور مو اكتر ويا ريت ما ينحكى غير فيها ... يعني النقاش بنكملو بموضوع تاني لأنو بالاصل مو هون مكان هالحكي .. و يا ريت تنحط النئط الحلوة والايجابية بس ... وانا رح بلش اول شي

موضوع: رد: ^_^ الإثنين أكتوبر 01, 2007 9:35 am

انا رح احكي بشكل عام اللي عجبني بكل من المقداد وبلال وعبدالله ...
الكل عندو نظرة ثاقبة وقدرة كبيرة على تحوير الموضوع ليتناسب معو ... يعني ليصير متل العجينة بأيدو .. بس الاحلا من هيك واللي عجبني اكتر ... الشراسة بالدفاع عن الافكار ... يعني والله لو كنا عم نشتغل بهالطريئة القتالية المستميتة رح نطلع لفوء .. يعني ما حدا عم ينام على ضيم lol!

المقالة بتنزل فوراً الردود بتنزل عليها ....
هلأ انا بعرف انكون متل السمنة عالعسل ويا سلام ... بس يمكن ما بتحبوني tongue

بس الفكرة انكون بتشكلوا مع بعض ئوة حلوة ....لانو كل واحد مستلم زاوية .. واذا كل واحد حاول يساعد التاني ويصحح غلطو والتاني ياخدها برحابة الصدر بتحكموا العالم Very Happy

كأنو ما في كش ؟؟؟
يمكن ما بيحئلي احكي وخصوصي اني اقلكم خبرة و ثقافة وتجربة ... بس بجد انا بعد هالنقاش احترمتكن اكتر .. ولا تفكروا انو اذا كنت عم رد على حدا في بئلبي عليه شغلة ولو نئرة والله بيشهد و خصوصي المقداد ... لأنو انا ما بعرفك غير بالعالم الالكتروني ... بس بحترمك وبحترم ثقافتك وبتمنى شوفك عالواقع شي يوم بأئرب فرصة ... اما بلال وعبد الله فانا كتير بحترم افكارون وباخد بنصيحتون وبئدر خبرتون
واسترو ما شفتو منّا ...
وعم استنا منكن كل واحد يكتب شو شاف شي حلو بالبائيين مشان نسكر الموضوع وننتئل لئصة جديدة tongue

المساهمات : 116 تاريخ التسجيل : 01/09/2007

سيدAdmin أنا بحترم رغبتك بانهاء النقاش خوفا من ( ارتفاع درجة الحرارة ) بس رح وضح بعض النقط بدون أي نوع من الهجوم .

أول نقطة بالنسبة للمقداد :
كم مرة سألتني عن دار الكرامة و خبرتك انو دار الكرامة مانوا نشاط لمتطوعي ينا و انو نحنا عملنا نصويت بعد أول زيارة و نرفض المشروع , فطبعا مارح تلاقي نتائج لبنا بدار الكرامة لأن أصلان مافي نشاط هنيك .

فأنا ما فهمت أبدا شو قصدك بكل هاد الحكي , طبعا و للتوضيح أنا بالذات بعرف شو مقداد بالكرامة .... و انت بتعرف هاد الشي .

بالنسبة للسيد عبد الله :

هاد يا صديقي منتدى و من حقي قولوا يلي بدي يا طالما انا ضمن القواعد و القواين ..

بشكرك لاقتناعك و أخيرا بالنقطة الأولى أما عن المتطوع الثاني فأنا يلي قلتوا ( تهميش و ليش فصل , و انت بتعرف الفرق بين الاثنين ....

أما عن الخبرة ف 20% من خبرتي , يعني اذا كانت خبرتي 100 فانت 20 و اذا كانت خبرتي 0 فرح تكون خبرتك نفس النسبة ..و المشكلة ياصديقي انو صار بيني و بينك نقاش خارج المنتدى حول هاد الموضوع ( اصدي موضوع هاد المتطوع ) و انت عم تاخد جزء من هاد النقاش و تترك الباقي و بهي الحالة رح اضطر اني اذكر النقاش من أولوا , و بتوقع بهي الحالة رح يطيرني ال Admin من كل المنتدى .

بالنسبة لموضوع العرف , فيمكن لو اني رح ضل رئيس متطوعين فترة طويلة فرح يكون في عندي مجال اني درب المتطوعين و علمهم و اعملهم دورات و راقبهم , بعدين نعمل قوانين و قواعد و كل هاد الحكي ...

بس يا عبد الله 15 يوم هي فترة ما بتسمحلي اني اعمل شي و بتمنى اطلع منها بأقل خسائر ممكنة و لو كان عم يأسر على الشغل شوي .

بالنسبة لاقتراح Admin حول ذكر النقاط الجيدة بكل واحد فينا , فيمكن يا صديقي في شي انت ما بتعرفو انو هاد الصراع الفكر يلي بيناتنا هو نوعا ما صراع أبدي , بس ما بيأثر أبدا على علاقتنا الشخصية ببعض , و يمكن هاد الشي من اكتر الشغلات يلي بتميزنا كشباب , كل واحد فينا عندوا أفكارو الخاصة , الشي يلي بيخلينا ( مجموعة العباقرة والمتميز !!!!!)

موضوع: رد: ^_^ الأربعاء أكتوبر 03, 2007 7:21 am

شباب انا بتمنى النقاش ينتهي هون ...
وبدي نصيحتكون .. احذف النقاش ولا خليه ... لأنو انا كنت بدي احذفو .. يعني مو حلوة انو ناس متلكون يحكوا هيك مع بعض .. بكرا بس يفوتوا العالم ويئروه ما رح تكون حلوة بحئكون .. وحاج تنشروا غسيلكون ...
شو ؟.... احذفون ؟؟

المساهمات : 116 تاريخ التسجيل : 01/09/2007

حأك عليي يا Admin يمكن أنا مانتبهت على حالي كتير , و أكيد قرار الحذف هو قرارك ..

موضوع: رد: ^_^ الجمعة أكتوبر 05, 2007 7:30 am

آسف بس كنت مضطر للحذف .... Evil or Very Mad

ويا ريت يرجع المنتدى لسابق عهده ... وننسى الخلافات بوجهات النظر والافكار هلأ .. ونركز عالمشاريع والتطوير . Wink

موضوع: رد: ^_^ الثلاثاء أكتوبر 16, 2007 12:58 pm

الله يدب الخلاف Evil or Very Mad

موضوع: رد: ^_^ الأربعاء أكتوبر 17, 2007 8:00 am

عمو old ... كن أحسنلك .. تضرب شو بتحب الفاينة.

المساهمات : 116 تاريخ التسجيل : 01/09/2007

له يا old له !!!!
ما صرلهم زمان بعض المتطوعين مطلعين على مواضيع كتير خاصة.... كتير كتير خاصة و اكتشفو انو يلي بيتو من ازاز ما بحاجر العالم ....

اذا نحنا الله يدب الخلاف فأنا بدعيلك الله يقويك!!!!! كمل حكي ولا حاجة ؟؟ يمكن حاجة أحسن!

موضوع: رد: ^_^ الخميس أكتوبر 18, 2007 8:50 am

لك احكي وخود راحتك .... Twisted Evil

بس لا تتئل العيار lol!

^_^