نقص في التجهيزات ....

في الاجتماع الماضي المقام بتاريخ 8-9-2007
كانت الحشود غفيرة في هذا الاجتماع على خلاف الاجتماع الأول الذي كان يتألف من 3 متطوعين ورئيس المتطوعين أطال الله بعمره وأدامه ذخراً لهذه الجمعية (لا بد من تمسيح الجوخ...)
فكان هناك نقص في المقاعد فاجرينا الاجتماع في الهواء الطلق لضيق المكان ... وعندما فتحنا قارورة الكولا رح احكي بالعاميّة .. لئينا انو يا دوبها تكفي نص المتطوعين ... بأى نوصي رئيس المتطوعين أن يضاعف الجهود في تدليل المتطوعين
هلأ بدنا نحاول نتذكر أهم المشاكل اللي صارت معنا بالاجتماعات الماضية ... ويا ريت رئيس المتطوعين كمان يساعدنا لأنو أكيد هو رح يكون لاحظ الاخطاء أكتر من البئية ..
واذا بينحط رقم الاجتماع بيكون كتير منيح بس اذا مالكون متذكرين تاريخو أو رقمو فمو مشكلة ... المهم تنحكا المشكلة

يذكركم رئيس المتطوعين أطال الله عمره و أدامه ذخرا للجمعية , بحديث الرسول صلى الله عليه و سلم و الذي في ما معناه ( من سنة سنة سئية فلهو وزرها ووزر من عمل بها إلى يوم القيامة .و يقول كبير المتطوعين الحق مو عليكم الحق على يلي جاب الكولا أول مرة و نسي يعمل دور بالموضوع , و صار علي ضربة لازمة كل ما اجا على الاجتماع و لو كان اجتماع أهالي أصدقاء المتطوعين أنو يجيب معو كولا ....

و الحق يقال أن الكولا رمز و ليست هدف , فسواء كنتوا متطوع أو 2 أو 43.5 متطوع هي العبوة نفسها و مو الهدف تشربوا و أنما ترمز أن بيوم من الأيام كان أول اجتماع لمتطوعي بنا و شربوا في كولا ........

خلص حلوة فكرة الدور ... خلينا نعممها ...
بس لما نشوف ناس مساكين متل حكايتي منعفيهن من الدور ... واللي بكون دورو وما بيجيب .. بيدفع ما يعادل ثمن 3 عبوات اي ما يقارب الـ 100 ليرة سورية وبتنحط بصندوق المتطوعين ...

حاسس انك ضد المتطوعين و عم الطئ الكل برغي ماكن , يمكن ما يعرف المتطوعين بقصة الدور و ال100ليرة 3/4 المتطوعين رح يبطل يجي , مو مشان شي بس رح تكتشف انو معظمهم بيعتبر حالو درويش , خود أنا كمثال....

لك يا صاحبي نحنا بيهمنا الهدف من هالعملية ... يعني نحنا مو هدفنا أنو نبل ريئ التطوعين بالكولا وبس ... بس نحنا لازم نعيش روح الشراكة وننمي عند المتطوعين الخصال الحميدة ... والكرم أهم هي الخصال .... لأنو متل ما بتعرف العرب مشهورين بالكرم وركوب الخيل .... والرماية بالنئيفة ..
بعدين يا دوب يلحئ المتطوع دور كل 5 شهور اذا مو أكتر .... يعني نحنا عنّا اجتماع واحد بالاسبوع ... والمتطوعين كترانين ما شالله