جمع الألعاب ....

مشان اللي ما بيعرف شو رح يصير بهاد المشروع....
الفكرة الأساسية هي . انو نروح على كم مدرسة ومنجمع اللعب من الطلاب ... ونحنا رح نرجع نزبط فيها أد ما منئدر ونرد نوزعها على أطفال بيستاهلوها ...
بأى النقد رح يكون الله العليم على مرحلتين ... المرحلة الاولى خلال الجولة عالمدارس وجمع اللعب ... والتانية باعادة شكلسة الالعاب مشان تتوزع ويمكن يجر بعدو مشاريع متل جولة على دور الايتام لتوزيعها والله أعلم ... منبأى منعرف كلشي بوأتو ...

من الغريب أن نفكر بالنقد , و البحث عن الأخطاء , قبل أن نبدأ العمل .
ربما علينا أن ندرك جيدا حجم الضغط الذي سنسببه للمتطوعين الذين سيشاركون في تحضير الأنشطة على تنوعها.

تخيل أنك مراقب من شخص يبحث عن أخطائك , ستكون حذرا , تعمل بحرص شديد , و لكن لن تكون سعيدا أبدا , لأن هدفك الرئيسي سيتحول إلى الابتعاد عن الأخطاء , خوفا من ( النشر ) و لن يكون هدفك أبدا السعي للنجاح , و ستنسى أهمية نجاح العمل للفئات التي نسعى لمساعدتها .

بالنسبة لي , أنا أسير على خطى ثابتة , و أثق بنفسي و بالمتطوعين ثقة كاملة و بقدرتنا على النجاح بل و التفوق .

و أذكركم أن كثرة الأخطاء تدل على كثرة العمل .

و كثرة النقد تدل على التفرغ الكامل........... للكلام .

و أعدكم يا منتدى البراغي أننا سنرد على نقدكم بالنجاح و ستعرف معنى أن يكون البرغي من بولاد .

"و أعدكم يا منتدى البراغي أننا سنرد على نقدكم بالنجاح و ستعرف معنى أن يكون البرغي من بولاد"
أحب ما على ألبنا والله ... أصلاً نحنا هاد اللي بدنا ياه .. بأى يالله أثبتولنا هالشي لشوف ... لنعرف شاطرين بالشغل متل الحكي ....
بس لأخذ العلم بلال حكا نئطة كتير حلوة ... النقد اللي هون مو معناتو انو تشتغل وكأنو رح تتعاقب اذا عملت خطأ ... بالعكس انت حتنشهر لما تعمل غلطة وتصير نجمة للاجيال الجاية .. يعني نحنا لازم بكرا كلشي أخطاء ندونها ونحطها كنصائح للمتطوعين .. وأكيد ذكر أسماء متل ما ألنا مافي .. يعني رح ينذكر الموضوع اللي صار فيه غلط بس ... وانا رح انقد حالي أكيد .. لأنو كتير أحيان بعد ما أعمل شغلة بئول ليش هيك عملت انا ... يا ريتني ساويت هيك وعملت هيك .. يعني بالنهاية نحنا الشي اللي بيهمنا هو شو رح نستفاد من النقد ... وخلّوا الروح رياضية ...
وانا حطيت هي المواضيع أبل ما تبلش المشاريع ... لأنو بكرا وأت المشاريع ما رح نفضى نحطون ... لأنو رح يكون وأت الشغل ... بس رح يكونوا جاهزين الواحد فوراً يفوت ويحط البرغي الملحلح واللي بدو طئ بسطر واحد ويطلع يعني عيراها 10 ثواني اذا عندك انترنت سريع وشي يوم كامل اذا عندك انترنت اللي بتملكوا عامة الشعب

اقام فريق الاعلام اجتماع طارئ ليتباحثو أمور مشروع جمع الالعاب وما ينبغي عليهم فعله من أجل الترويج له وانجاحه اعلامياً ... صار شوية ضوجة يومها ... بس طلعنا بنتائج حلوة كتير.. وتوازعنا المهام .. بتشوفوا هالشغلات بس تطلع ..

بس طئة البرغي اللي هون ... اصدي النقد .. انو نحنا لازم نكون بـ 10 رمضان خالصين جمع الالعاب ... بس الغريب انو حاسس الشباب نايميين ..
... شدّوا الهمة شباب بدنا ننتج شي ...

Admin كتب:

اقام فريق الاعلام اجتماع طارئ ليتباحثو أمور مشروع جمع الالعاب وما ينبغي عليهم فعله من أجل الترويج له وانجاحه اعلامياً ... صار شوية ضوجة يومها ... بس طلعنا بنتائج حلوة كتير.. وتوازعنا المهام .. بتشوفوا هالشغلات بس تطلع ..

بس طئة البرغي اللي هون ... اصدي النقد .. انو نحنا لازم نكون بـ 10 رمضان خالصين جمع الالعاب ... بس الغريب انو حاسس الشباب نايميين ..
... شدّوا الهمة شباب بدنا ننتج شي ...

للتوضيح يفترض تخلص مرحلة الاجتماع مع ادارات المدارس خلال الأيام العشرة الأولى من رمضان و مرحلة الجمع بالعشرة الثانية . بس أنا معك بهادا البرغي انتوا ( قصدي الاعلامية ) جماعية نايمين لا و أموات كمان .

كنتوا عم تقولوا الحق على الادارة , و الحق على رئيس المتطوعين , هي سلمناكم شغلة ورجونا عزماتكم .

و بحب خبركم شغلة يفترض انوا اللجنة الاعلامية تكون مسؤولة عن الرد على الموظفين و المنشورات يلي موزعينها على كل المعهد و قصائد شعر و مو تاركين طريقة ليشرشحوكم إلا و عملوها . أنا عم حاول جهدي بس بالنهاية بدي شوية دعم .....

في مشكلة صغيرة انو شو مشان ما حدا بيعرف حدا بالاعلاميين ... يعني مثلاً لا منئدر نوصّلون ولا نجتمع معون غير عن طريئكن ....
بعدين مين ئلك انون نايميين ... هنن عم يشتغلوا بس من تحت لتحت لا تسودوا وشنا يا اعلاميين ....

اقتباس :

للتوضيح يفترض تخلص مرحلة الاجتماع مع ادارات المدارس خلال الأيام العشرة الأولى من رمضان و مرحلة الجمع بالعشرة الثانية . بس أنا معك بهادا البرغي انتوا ( قصدي الاعلامية ) جماعية نايمين لا و أموات كمان .

كنتوا عم تقولوا الحق على الادارة , و الحق على رئيس المتطوعين , هي سلمناكم شغلة ورجونا عزماتكم .

و بحب خبركم شغلة يفترض انوا اللجنة الاعلامية تكون مسؤولة عن الرد على الموظفين و المنشورات يلي موزعينها على كل المعهد و قصائد شعر و مو تاركين طريقة ليشرشحوكم إلا و عملوها . أنا عم حاول جهدي بس بالنهاية بدي شوية دعم .....

طلبنا اجتماع للأعضاء بلجنة الاعلامية قام واحد من ولاد رئيس المتطوعين المرضيين قال وبل الحرف الواحد((((((((((((اول اجتماع جبنا عشرة وتاني اجتماع جبنا عشرة واذا عزبتونا بل الاجتماع التالت منجيب عشر ة جداد))))))))))))))))...........
ومافي داعي احكي اكتر من هيك

رد على الاستاذ متطوع قديم
جمالية اللغة العربية انها لغة زجلة ، يعني مافي كلمتين قلن نفس لمعنى
واقول للسيد يلي صعب يفرق بين العصاية والألف انو قلت :
اول اجتماع اجا (جاء من تلقاء نفسه وهذا الفرق بين المتطوع والموظف)
عشر متطوعين وبالاجتماع الثاني اجا عشرة غالبيتهم غير الذين كانو بالجتاع الاول
وممكن بالجتماع الجاية يجو عشرة جدد غير السابقين
وهذا يعني
انو هي اللجنة بالذات هي لجنة شغل ، ونحنا عم ندور فيها على اشخاص جايين يشتغلو ويقدمو وقتهم وجهدن بصدق ، مشان هيك في صعوبة كبيرة بالشغل بهي المجموعة بالذات لانها الشريان يلي بغذي كتير من النشاطات وعليها مهام ومسؤوليات كتيرة
وانا قلت من اجتماع انتو قودو الجنة وحطو الخطط يلي بتلاقوا مناسبة
بس مابقبل انو متطوع مغمور يقلي انا اذا ماعجبني المشروع بوقف الجنة كلها

لأ نحنا مستغنين عن خدمات اي واحد مو جاية لهدف الشغل وفي لجان كتير ممكن يلاقي حالو فيها
مثلا يشتغل بالرحلات وتنظيم مشاوير التسلية بعتقد يكون فعال اكتر هنيك

وهلأ مو وقت الحكي علينا ضغط كبير برمضان وبتمنى اي واحد عندو شوية وقت فاضي يخبرنا لانو عنجد في شغل كتير والجمعية بحاجة لمتطوعين بكل معنى الكلمة
وانا عم استنى تفاجؤنا بشغلكم
اخير انا بشكر كل شخص اشتغل معنا او كان حابب يشتغل معنا ونحنا كنا ولازلنا بانتظار الاشخاص يلي بجد حابين يقدمو وجايين لهدف سامي وما عم ينتظروا حتى شكر .....


عبد الله منعم

انا معك باللي ئلتو سيد عبد الله ... بس نحنا ما فينا كمان نحط كل الحئ على الاعلاميين .. يعني صحي هنن نايميين شوي ... بس شو مشان صاير فينا متل جندي بلا سلاح ..
يعني نحنا صرلنا فترة موعودين بكاميرا ولاب توب ودورة تصوير ... اذا انتوا ما خرج تأمنولنا هالمتطلبات الاساسية .. خبرونا خلونا نعرف حالنا شو بدنا نساوي ....

اقتباس :

هي اللجنة بالذات هي لجنة شغل ، ونحنا عم ندور فيها على اشخاص جايين يشتغلو ويقدمو وقتهم وجهدن بصدق ، مشان هيك في صعوبة كبيرة بالشغل بهي المجموعة بالذات لانها الشريان يلي بغذي كتير من النشاطات وعليها مهام ومسؤوليات كتيرة

يعني انتوا بتعرفوا انو هي اللجنة هية لجنة شغل وبدها ادوات وبدها صلاحيات وبدها دعم .. وبدها كم اجتماع متل الخلئ ... بس ما عم نشوف شي ... يعني انا طالبت باجتماع .. لنشوف ايمتى رح يصير ...

اقتباس :

بس مابقبل انو متطوع مغمور يقلي انا اذا ماعجبني المشروع بوقف الجنة كلها

استغفر الله يعني عن جد يا أخ عبد الله يعني شو بوقف الجنة شو مين هاد المتطوع يلي مو سائل عن حدا يعني ما في حدا بلعالم بيقدر يوقف الجنة ألا بامر من الله عز وجل ولا اله الا الله

المهم خلينا نرجع للسيرة
حابب اسئلك سؤال صغير انو شلون بهل السرعة صرت مستلم 3لجان وحاسك بدك تفتح لجنة جديدة يعني هاد مو حسد ولا ديقة عين بس حابين نغرف من خبرتك الواسعة ودراساتك الكبيرة في مجال التملق

كانت ستي تغنيلي غنية ما بتذكرها كلها بس فيها(( .......و الحداد بدو بيضة و البيضة عند الجاجة و الجاجة بدها أمحة و الأمحة بالطاحون ......))

طيب هلأ أي نعم انتو و أكيد أنا معكم موعودين بكاميرا بس اللابتوب هي جديدة و أنا ما وعدت حدا بلابتوب , و بصراحة خايف تكون سلسلة أولها لابتوب و بعدين مسكليت لكل متطوع طبعا غير الثياب.....

أما كلمة خليكم تعرفوا حالكم شو تساوو , طيب ورجوني شو رح تساوو ..
يعني عندي كل يوم عشر طعشر مكالمة و أنا عم نئ على الادارة , بس بدل ما يجيبولنا كاميرا عزمونا على فطور يوم السبت , فبصراحة أنا استحيت ( طعمي التم .....)

فأنا عندي طلب حاولوا بالفطور تاكلو أد ما بتقدرو مشان اذا الادارة ما جابت كاميرا تكونو حصلتو شي شغلة .

أما معكم في نقص شديد بالمعدات بس طلبنا من كل المتطوعين أنو يساعدونا بتجاوز الأزمة , و البعض تجاوب معنا و البعض لحد هلق عم ينئ

اقتباس :

طيب هلأ أي نعم انتو و أكيد أنا معكم موعودين بكاميرا بس اللابتوب هي جديدة و أنا ما وعدت حدا بلابتوب

مو انت اللي وعدتنا .. بس بالاجتماع الماضي واحد من المشرفين التلاتة هيك ئال ... هلأ ما بيهم مين ئال ... لأنو هو من المتطلبات ... بس هاد الحكي مو جايبو من عندي ... ليكون مفكرنا جايين نتسلبط لا سمح الله
اما مشان المسكليتات فلا تستبعد ... يعني وسائل النقل كتير ضرورية للاعلام ... يعني لازم يتواجد الفريئ الاعلامي بمكان الحدث باسرع وأت ممكن

اقتباس :

أما كلمة خليكم تعرفوا حالكم شو تساوو , طيب ورجوني شو رح تساوو ..

حاج تئللي شو رح تساووا ونحنا كل واحد بديرة .. انا طلبت منكم تعطوني اسماء وارقام لجنة الاعلام مشان اعرف اتواصل معون ولهلأ ما وصلني الرد .. غير اذا حابيين كل واحد يشتغل لحالو ...

اقتباس :

فأنا عندي طلب حاولوا بالفطور تاكلو أد ما بتقدرو مشان اذا الادارة ما جابت كاميرا تكونو حصلتو شي شغلة .

بالنسبة لهالموضوع لا تخاف ... ولا توصي حريص رح ناكل وما نخلي شي ... بس ما رح نتنازل عن الثوابت تبعنا ... ورح نسمع ونلطش حكي للكل....

اقتباس :

أما معكم في نقص شديد بالمعدات بس طلبنا من كل المتطوعين أنو يساعدونا بتجاوز الأزمة , و البعض تجاوب معنا و البعض لحد هلق عم ينئ

ما بتذكر انو نطلب هاد الطلب منّا ... غير انو نستعار كاميرة احد المتطوعين ... وهاد اللي صار .. على كلن مو مشكلة .. والنئ مو غلط .. يعني آل ما بيموت حئ وراه مين يطالب فيه ...

قصدك ما بيموت حق ورا واحد نقاق.

شفت كيف بتسمعو من غير ي.
بالنسبة لأسماء اللجنة الاعلانية رح ابعتلك ياهم بهي اليومين .

غيرو خلصونا . يعني الله يرحم أيام زمان , كان بكل بنا في 3 متطوعين كانو عاملين 6 لجان و كانت أمورهم تمام التمام , و هلأ اللجنة الاعلامية مو عرفانة مين أعضائها ....

اقتباس :

شفت كيف بتسمعو من غير ي

شو أصدك بأنو عم نسمع من غيرك ... حبيبي هاد اللي ئلي كان من المشرفين واللي على أساس انو حكيو ما عم يجيبو من راسو ... بس هلأ بئدر افهم انو ما ناخد على حكيو لهاد الشخص .. يعني لما بيحكي نعتبر حالنا ما سمعنا شي ....

اقتباس :

3 متطوعين كانو عاملين 6 لجان و كانت أمورهم تمام التمام , و هلأ اللجنة الاعلامية مو عرفانة مين أعضائها ....

انا ما رح اسئلك شو صار بهاللجان .. لأني مالي شايفها .. واذا انت عم تعتبر هاد نئ بئى خلص بلاها هالطلبات ... واذا بدك كمان ممكن اشتغل لحالي واستلم الاعلام اذا مو حابب تعرفنا على بئية اللجنة ... انا ما عندي مشكلة ...
بأى خليكون ديناميكيين ... يعني ما بدها 3 تيام ليوصلني اسماء اللجنة وارقامون غير اذا انتوا كمان ما عندكون قائمة فيون

اولا الاستاذ مطوع قديم اذا هاد يلي فهمتو من حكي بصراحة مافي داعي رد
. نحنا مو مستلمين اللجان نحنا عم نقوم بعملية انشاء لجان مو استلام ، واكيد انا مارح اعمل منسق لجنة ومسئيل فيها بدون شغل واعضاء


اما استاذ Admin انا طلبت الكاميرا والكمبيوتر شخصيا ووافقت الادارة عليها
وقلتكن بدنا نشوف شوية شغل وشوية اشخاص مهتمين لنزكرن بوعودن
ومشان ارقام والتنسيق مع اعضاء اللجنة فحاليا عن طريقي فقط كوني انا منسق اللجنة الحالي ورقمي ما بيضيع حدا ، فيك تتصل وتسئلني ، انا اسف يمكن ماعود اقدر رد ع المنتدى هاد لانشغالي بالفترة الجاية , بس اكيد حنضل على اتصال
عبد الله منعم

استاذ عبد الله مشكور عالتجاوب بس حبيت ئلك انو هاد الكلام:

اقتباس :

اما استاذ Admin انا طلبت الكاميرا والكمبيوتر شخصيا ووافقت الادارة عليها

لازم توجهو للاستاذ bilal مو للاستاذ admin لأنو هو اللي كان عندو تساءل بخصوص وجود حديث حول الاب توب

اقتباس :

ومشان ارقام والتنسيق مع اعضاء اللجنة فحاليا عن طريقي فقط كوني انا منسق اللجنة الحالي ورقمي ما بيضيع حدا

انا والله بصراحة طلبت القائمة من شخص تاني ... لأنو ما كنت عرفان انو عندك الامور ... بس بصراحة انا عم ئول انو اذا فيك تبعتلي القائمة ميل اسرع من أنو تنئلني ياهن عالتلفون ... بما انو مشغول
.... وبالمناسبة الشخص التاني كان كفو .. يعني ما تهرب من المسؤولية ووعدني يبعتون يعني الحق يقال

شو صار بهالمشروع ؟؟...

يلي صار بهاد المشروع هو التالي :

حكينا مع بعض المدارس يلي توقعنا تساعدنا بهاد المشروع , البعض وافق و البعض رفض الموضوع , المهم يلي وافقوا على المشروع حطوا شرط انوا اذا كنا حابين نتعاون بهاد المشروع فلازم نعمل بروشور يتوزع على الطلاب يتوضح في انو المدرسة مالا علاقة بهاد المشروع و انها فقط رح تستقبل جمعيتنا يلي رح تساوي المشروع ((.هاد الموضوع ألو علاقة بوزارة الشؤون الاجتماعية و العمل )) .
هلأ شو صار بالبروشور ؟؟؟
كان يفترض البروشور يضمن شعار الحملة و كلمة عن المشروع و كلمة عن الجمعية , و على أساس يندفع تكاليف الطباعة من صندوق المتطوعين . و الباقي عندك يا صديقي

طبعا هاد المشروع مالو مربوط برمضان , و في عيد الأضحى على الطريق بس بدنا حدا يتابع الموضوع .

الفكرة انو تصميم الصورة اللي بدها تنحط عالبروشور صرلها زمان معكون ... وما فهمت .. يعني ما عجبتكون .. لأنو ما حدا خبرني ولا عطاني رأيو بشكل نهائي .. واذا معتمدين عنها فالكلمة اللي رح تنحط مو عائق ... يعني انت ئللي بكرا رح ينطبع البروشور بتكون الكلمة عندك وهي الصورة موجودة ...
ومقطع الفديو كمان كان جاهز ... بس ما فهمت ليش الطباعة من صندوق المتطوعين ..
بس يا ريت المشروع ما يفئس ويكمل ....

برأيي طالما في اجتماع اعلامية قريبا تنهوا هاد الموضوع . بشكل يكون البروشور جاهز . أما عن كون التكاليف رح تندفع من صندوق المتطوعين , فتجربتنا السابقة مع الادارة ( بروشور الاستقطاب ) علمتنا أنوا نحنا ندبر حالنا و ما نستنا حدا , و بصراحة الادارة ما عم تقصر بدعم الصندوق أبدا , و رح اعطيك فكرة عن هاد الموضوع .

صندوق المتطوعين من حوالي شهرين بدأ دعمو من قبل الادارة بشكل مباشر من خلال أولا تبرع 200 ليرة من كل موظف أو متطوع ( زنكيل ) بكل شهر . و المبلغ عم يكون حوالي 3000 تقريبا . و من جديد خضصصت الادارة مبلغ 3000 ليرة شهريا من ميزانية الجمعية لصندوق المتطوعين . كمان تم الاتفاق مع الادارة أنو كل المشاريع يلي بيعملوها المتطوعين و بتجيب مصاريي كلها بتروح لصندوق المتطوعين .

و ما بنسى أنو المدام لنا هي يلي مولت حفلة دار الأمان , و عرضت علينا تمول حفلة تانية اذا حبيتوا .

هاد عن موضوع الإيرادات أما بالنسبة للمصاريف . بصراحة لحد الآن نحنا ما صرفنا شي على الأنشطة و لجنة الاستقطاب هي اكتر لجنة صارت ساحبة مصاري ( 1500 ) ليرة مشان نغطي موضوع الاتصالات . أما عن باقي المصاربف فكل واحد فينا عم يغطي مصاريف مواصلاتوا و اتصالاتوا بشكل شخصي , و أنا عم أعمل حالي مطنش أو عم اعتبرها تبرع منكم للصندوق .

بالنسبة للجائزة ما رح تكسر الصندوق لأنها تبرع من المدام لنا ( 2500 ) و الباقي من الصندوق فمافي مشكلة فيها .

المشروع متل ما قلتلك ما في داعي يفقس أبدا و خاصة انو الفكرة لاقت قبول بشكل كبير من قبل محيطنا ( الأهل , الأصدقاء , الادارة ) بس بدو حدا يتابعوا و يمشي

خلص باذن الله اليوم رح ينحكى بالموضوع ... والله يئدم اللي فيه الخير ...
بس رح نعتاز مساعدة منكم اكيد