تعبئة الطعام للعوائل الفقيرة ...

لا حدا يفكر يمد ايدو ويدحش تنكة زيت بجيبتو .. لأنو هون رح ينفضح ...

خليكون حبابين واشتغلوا منيح مشان ما نرميكن بحجارنا ... لأنو اي غلطة رح ننقدها
بس متل ما حكينا بلا ذكر أسماء .. وهون بس رح نحط الثغرات تبع مشروع تعبئة الطعام طبعاً ...
وكلوا هاد يمكن نحنا ما نشوف نتايجو هلأ .. بس لئدام اذا ضلينا متطوعين رح نستفاد من الاغلاط الئديمة .. واذا ما ضلينا رح نعمل مرجع للمتطوعين الجدد منون ...
يالله توكلوا على الله ...

مرحبا شباب اخيرا صار عنا منتدى متل العالم والخلق بين ما يجهز موقع الجمعية
وبهل المناسبة بدي احكيلكون قصة

بدي احكيلكون اليوم قصة كان ياما كان مو بقديم الزمان لحتا كان
كان في متطوع مسكين أجت رفيقتو من السفر بعد غياب طويل وتواعدو يشوفو بعض تاني يوم المهم هاد المتطوع المسكين فاق من بكير وصلو سنة مو عامل هل العملة وغسل وشو وفرشة سنانو وشرب قهوتو وبلش ينكت الخزانة وبعدين ضل واقف شي نص ساعة ادام المراية عم يزبط شعراتو وبعد ما خلص طلع على الساعة لقا لسا بقيان وقت كتير قام قال بينو وبين حالو اسمي فقت بكير خليني روح على الجمعية من شان شوف شخص وفت ماراح لهنيك لنصدم انوهاد الشخص مو موجود ومو من عاتو انو يتاخر سئال عنوا قالولو بدو شي نص ساعة ليجي وهو عم يستنا اجا خبر سعيد انو في متطوعين حابين يساعدونا بتعبئة الوجبات وتوزيعا المهم حكا معهون على الموبايل وعدن يجو الساعة 1 وهيك بدو يتاخر عن الموعد شي نص ساعة بس معليش لانو مافي حدا يستقبلون أو مافي حدا فاضيلون بلجمعية وستنا هل المتطوع المسكين وستنا وستنا وستنا وستنا وماكان يجي لا هل الشخص يلي جاي من شانو ولا المتطوعين الجدد المهم اتصلو المتطوعين وقالو انو بدن يتاخرو بس المتطوع المسكين لح يروح عليه الموعد فاجلون ليوم الثلاثاء لانو في اجتماع المهم اتصل بل الشخص يلي عم يستنا قام قلو انو اجا وبعتو مشوار ومالح يقدر يجي هلآ انصدم المتطوع وحمل حالو وقرر يمشي (عم تقولو شو دخل هل القصة بتعيئة الوجبات جاييكن بلحكي)بعد ما وصل عل الباب ماشاف قدامو عير سيارة شحن محملة كراتين زيت وبعد ما استوقفو شخص من الجمعية وقلو انو ما في حدا يساعدون بتنزيلون رق قلب المتطوع وقال انو هلأ انا والشباب من نزلون بخمس دقايق المهم مع بعض المساعدة من اخوانا الموظفين يلي مو شغلتون طبعا مو الكل نزلنا اول 50 وتاني 50 هيك حتى وصلنا لل200كرتونة ونتزعو شعرات المتطوع المسكين وتوسخو اواعي وتاخر كتير ودمرت نفسيته وحمل حالو وراح عل الكافي نت ليكتب همو وبعد كتابة نص ساعة ما نبعتو وراح كلشي بس ما يئس وكتبون مرة تانية وكان حاسس انو في يد خفية مابدها توصل صوتنا للمتطوعيين
وتوتة توتة خلصت الحتوتة حلوة ولا فتفوتة............

اول شي مرحبا يا old Volunteers اللي بعدين بتشرحلنا شو اصدك فيه ...
انا هلأ رح خاطب هاد المتطوع المسكين اللي انت عم تحكيلنا أصتو
المهم يالله راح عليك الرينديفو .. يالله خيرها بغيرها ... يعني انا اللي فهمتو انو انت اتأخرت واضطريت تترك الشغل اللي عليك لأنو المتطوعين مالن مزبطين الامور بين بعضون أنو يتواجد حدا منون ليساعد بتنزيل المواد الغذائية اللي جاية ... غريب .. المفروض تكون هالئصة مزبّطة انو يتواجد مين ينزل هالمواد .. وخصوصي أنو متل المرة الماضية كان في كذا متطوع الله يعطين العافية عم ينزلوهن ..... امممممم انت متأكذ انو ما كان في حدا لهالمهمة ؟ ...
طيب يعني المتطوعين هنن اللي مستلمين هالمشروع على حسب علمي مشان هيك ما فينا نئول وين الموظفين ....
معناها منرجع لصحاب التنظيم ومنشوف اذا هنن متفئين مع حدا .. يعني ما حلوة بحئنا هالئصة بنوب ....

للتوضيح حول استلام المواد . نحن كفريق متطوعين كان المطلوب منا انو نأمن قائمة بأسعار المواد و أحسن المصادر , هاد كان كخطوة أولى , و الخطوة الثانية نشتري بعض هي المواد . فالمواد يلي نحنا اشتريناها بشكل مباشر عم نعرف الوقت يلي رح تصل في . و بتوقع الكل بيتذكر يوم الزيت العظيم .

القسم الثاني من المواد الادارة هي يلي عم تشتري , و بصراحة ما عم ينسقوا معنا بهاد الموضوع أبدا . و اذا اتصلوا بيقولوا بعد نصف ساعة جاي بضاعة و بدنا متطوعين , و بصراحة نصف ساعة فترة غير منطقية أبدا .

أنا ما عم ارمي المسؤولية على حدا بس لما عم نتخبر عم يكون في تنسيق بس و كمثال صناديق الزيت البلدي خبرتني الادارة انها رح تجي يوم الاثنين , و جابوها يوم الأحد !!!! طيب أنا شو بعمل؟؟؟؟؟؟

عم تئول انو الادارة ما عم تنسق معكن ... وما عم ترمي المسؤولية على حدا ..
هلأ كمان نحنا ما عم نحط المسؤولية عليك ولا على الادارة ولا على حدا بس كل مشكلة الها سبب وسبب هي المشكلة هو ئلة التنسيق ما بين الادارة والمتطوعين .....
بس المهم هلأ أنو نحاول يكون في تنسيق أكتر شوي بهاد الأمر .. يعني نحنا هدفنا بالنهاية انو نتلافى تكرار هالخطأ .. وبظن انو لازم المسؤولين من الادارة عن هاد الموضوع لازم بس يعرفوا انو في تئصير منون شوي لازم ينتبهولوا المرة الجاية ...

Admin كتب:

عم تئول انو الادارة ما عم تنسق معكن ... وما عم ترمي المسؤولية على حدا ..
هلأ كمان نحنا ما عم نحط المسؤولية عليك ولا على الادارة ولا على حدا بس كل مشكلة الها سبب وسبب هي المشكلة هو ئلة التنسيق ما بين الادارة والمتطوعين .....
بس المهم هلأ أنو نحاول يكون في تنسيق أكتر شوي بهاد الأمر .. يعني نحنا هدفنا بالنهاية انو نتلافى تكرار هالخطأ .. وبظن انو لازم المسؤولين من الادارة عن هاد الموضوع لازم بس يعرفوا انو في تئصير منون شوي لازم ينتبهولوا المرة الجاية ...

الفكرة يا صديقي انو نحنا مالنا مسؤولين بشكل مباشر عن المواد يلي ما اشتريناها , و مشاركتنا باستلام باقي المواد محصورة بالمساعدة بتنزيلها من السيارات اذا خبرونا

طيب اذا ما خبرونا هنن ... ونحنا مو عرفانين... والموظفين ئالوا ما دخلنا ... شو رح يصير ...

وانا ما عم ئول انو نحنا مسؤولين .. نحنا من دافع التحسين عم نشتغل ... وبالنهاية ما حدا بيجبر متطوع يشتغل هالشغلة .. بس نحنا جايين لنشتغل ... مزبوط ؟..
يعني اللي بدي ئولو انو حل هالمشكلة بسيط ومالو معقد ... يعني الئصة ما بدها كل هالشي ... كلشي طالبينو انو تحطوا اللي كانو مسؤولين عن استلام المواد بالصورة .. وتئلولون انو يحاولوا ينسقو مع المتطوعين اذا بدهن مساعدتهن .. واذا ما بدن مساعدة المتطوعين يكونوا مجهزين مين ينزل هالمواد ... أما لا هيك ولا هيك فهاد اسمو استهتار صار ...

اتصالات عديدة في الاسبوع الماضي ... شو بدنا همة يوم الخميس عنّا فزعة ... كفو ..
وجاء اليوم الموعود ... انه اليوم الذي ستعبئ فيه المواد الغذائية في صناديق كي توزع على العوائل الفقيرة ...
ولكن بدأ بتنزيل شوية مواد كانت نائصة وبدأ العرق يتلئلئ على جباه المتطوعين وبعض اللهثات من بعضهم ...
والآن جاء الوقت الملائم لنبدأ بتوزيع العمل والتعبئة ... اختلفت الآراء وطرحت الافكار ... وصار شوية كركبة....
انتخى بعض الموظفين ليأتوا مسرعين ليقدموا يد العون والمساعدة ... بدأ العمل بنشاط ... لكن ما لبثت الهمم ان لانت ... ولا سيما بعد أن حان موعد أذان المغرب ... كانت فترة بريك .. ولكن عدنا للعمل للننعي أكبر قدر من العمل .. ولكن كان التعب يستولي على مجموعة كبيرة .... انصرفت الفتيات نظراً لتأخر الوقت وأخدو الشباب راحتو ن...


بدأ المتطوعين بالاستلقاء والجلوس ... فشعر رئيس المتطوعين انه لا بد من انهاء العمل ولا سيما ان العمل في اليوم التالي سيبدأ من الصباح الباكر .... بأى هون بلشت مرحلة الضبضبة يعني بلشنا نفوت المواد شوي لجوا مشان نترك مكان للصناديق اللي عبيناهن ... ليتسلق أحد المتطوعين على أكياس السكر .. ويبدأ بالتطبيئ وهو مو شايف الوضع من تحت .. وقد حذره أحدهم عن الميلان اللي صاير فيهن من تحت ... بس طبعاً قبل فوات الاوان بشيئ بسيط ... يعني لسا ما حكا واذ باكياس السكر بدأت بالتساقط كالانهيار الثلجي ... أجينا لنرد نزبط آم وئعوا البئية
هي كانت أول عثرة ..... يعني رجعنا صفيناهن من أول وجديد ...
اما العثرة التانية اللي طلعت معنا وأت الضبضبة فهي اندلاء المربى على الارض ...
والعثرة الثالثة كانت انو في كرتونة كانت مفشفشة من الزيت اللي مكبوب فيها ... يعني رد عود فضي المواد وعبيهن بوحدة تانية
أما تحميل الكراتين فقد انهك المتطوعين ليتجهو بعدها الى العشب ويأكلوا البطيخ ..
هالموضوع مختصر كتير .. لأنو صار كتير شغلات ... انشالله رح احكي عليها كلها ... بس هلأ الوأت ما كتير عم يساعدني ... بالمناسبة بعد أكل البطيخ اتجه الموظفين والمتطوعين الى الملعب ليلعبوا لعبة كرة قدم ودية .. وبعدين اتئلعوا من قبل الحارس ...

بهالمشروع صار احداث كتير .. يعني اكتر ما بتتصوروا .... بس بصراحة ما عم لائي الوأت لاكتب هالاشيا .. ما بعرف اذا حدا فيه يساعدنا بهالموضوع ..
بس الفكرة الاهم .... انو هالمشروع اتأخر كتير ... وطبعاًَ مع استعانة بقوى عاملة خارجية .. بس اخد وئت اكبر من المتوقع بكتير كتير ....
والحئ ما بينحط على واحد لحالو .... يعني كل واحد بينحط عليه جزء من المسؤولية ..
ما رح احكي اكتر من هيك ... لأنو اذا بدي انفلت .. لبكرا ما بخلص

يمكن الحق معك الموضوع طول شوي ,بس تخيل يا صديقي انو العالم ما عم ترضى تجي و تستلم وجباتها ؟؟؟؟ تخيل مبارح للساعة 11بالليل سلمنا بس وجبة وحدة .... ما بيقولوا أيام عمر بن عبد العزيز كانوا ما يلاقوا حدا يعطو الزكاة ...